Një person ka ndërruar jetë, si pasojë e një aksidenti që ka ndodhur mesditën e së dielës në fshatin Prugovc të Prishtinës.
Këtë për Portalin Dukagjini e ka konfirmuar zëdhënësja e policisë për rajonin e Prishtinës, Flora Ahmeti, e cila ka thënë se pos një të vdekuri, katër persona kanë marrë lëndime trupore.
“Rreth orës 13:30 kemi pranuar informatën se në fshatin Prugovc, ka ndodhur një aksident trafiku. Në këtë aksident kanë qenë të përfshira, dy automjete, të cilat kanë qenë në lëvizje. Si pasojë e aksidentit lëndime trupore kanë pësuar pesë persona, një prej tyre nuk ka arritur të përballojë plagët dhe i njëjti ka vdekur. Vdekjen e tij e ka konstatuar ekipi mjekësor në Emergjencën e QKUK-së”, thuhet në njoftim.
Me rastin po merret hetuesia nga njësiti i trafikut rrugor.