Një person ka humbur jetën, ndërsa tre persona janë lënduar si pasojë e një aksidenti rrugor që ka ndodhur të hënën e 26 dhjetorit, në fshatin Novosellë të Pejës.
Këtë për Portali Dukagjini, e ka konfirmuar Zëdhënësi i Policisë për rajonin e Pejës, Fadil Gashi.
Gashi tha se në këtë aksident kanë qenë të përfshira dy automjete.
“Policia e Kosovës është njoftuar për aksidentin në orën 07:45. Në fshatin Novosellë të Pejës, dy vetura janë përfshirë në aksident. Tre persona janë dërguar për trajtim në Prishtinë, ndërsa njëri është gjetur pa shenja jete në vendin e ngjarjes. Në aksident është i përfshirë edhe një zyrtar policor”, ka deklaruar Gashi.
Gashi tha se në vendin e ngjarjes kanë dalë edhe Inspektorati Policor i Kosovës dhe se hetimet për rastin po vazhdojnë.