Një infermier sulmohet nga pesë persona në Spitalin e Mitrovicës

Pesë persona kanë sulmuar fizikisht një infermier në Spitalin e Mitrovicës, të hënën e pesë dhjetorit





Një infermier është sulmuar nga pesë persona në Spitalin e Përgjithshëm të Mitrovicës “Dr. Sami Haxhibeqiri”, të hënën e pesë dhjetorit.

Kështu është bërë e ditur përmes një reagimi nga Spitali i Mitrovicës, ku thuhet se personat që e kanë sulmuar fizikisht infermierin, ishin nën ndikimin e alkoolit.

Spitali i Mitrovicës e ka dënuar ashpër sulmin fizik ndaj infermierit F.M.

“Spitali i Përgjithshëm ‘Dr Sami Haxhibeqiri’ Mitrovicë njofton se rreth orës 3:20 të mëngjesit, në Shërbimin e Emergjencës është sulmuar fizikisht infermieri F.M

Në oborrin e Spitalit kanë ardhur 5 qytetarë, të cilët kanë qenë nën ndikim të alkoolit dhe kanë kërkuar nga infermieri që të dalë jashtë objektit të Spitalit për t’i dhënë shërbim pacientit, ku, infermieri ka refuzuar dhe ka thënë që pacienti duhet të sillet në repart që paraprakisht të kontrollohet nga doktori kujdestar”, thuhet në njoftim.

Pas refuzimit të infermierit për të dalë jashtë objektit, ai është sulmuar fizikisht.

“Institucioni dënon ashpër sulmin fizik ndaj çdo punëtori shëndetësor”, vijon njoftimi.





Shija e redaktorit

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Osmani: Historia e nënë Ferdonijes duhet të shërbejë si kujtesë...

Presidentja e Kosovës, Vjosa Osmani, ka folur mbi historinë e nënës Ferdonije Çerkezi, e cila ka humbur katër djemtë e saj dhe bashkëshortin gjatë...

Të fundit nga rubrika