Gjatë ditës së sotme, një kontigjent i trupave gjermane ka mbërritur në Kosovë.
Komandanti i KFOR-it, Ozkan Ulutash, ka thënë se ardhja e këtij kontigjenti pasqyron mbështetjen e Gjermanisë për stabilitetin rajonal.
“Ardhja e një kontigjenti të ri të paqeruajtësve gjermanë pasqyron mbështetjen e gjatë të Gjermanisë për misionin tonë dhe për stabilitetin rajonal”, ka thënë Ulutash.
“Ai i shton forcë qëndrimit tonë tashmë të dukshëm dhe fleksibël në të gjithë Kosovën dhe do të kontribuojë në aktivitetet tona të përditshme. drejt sigurisë së qëndrueshme, në të mirë të të gjitha komuniteteve që jetojnë në Kosovë”, ka thënë komandanti i KFOR-it.
Në njoftimin e KFOR-it thuhet se këta ushtarakë do të vendosen në Komandën Rajonale të Lindjes.