Falë bashkëpunimit të Gjirafës, kompani lidere në Rajon, si dhe kompanisë Carvago me bazë në Çeki, Kosova është vendi i vetëm në Rajon që ka fituar mundësinë e çasjes në tregun e blerjes së veturave në Evropë.
Mbi një milion vetura nga e gjithë Evropa janë të çasshme dhe secili qytetar i Kosovës mund të bëjë blerje online, nga shtëpia.
Ky revolucion në tregun vendor dhe Rajonal është bërë i mundur falë insistimit të Mërgim Cahanit, themelues dhe udhëheqës i Gjirafës.
“Erdhëm në përfundim që duhet me e bo një plan të përbashkët Gjiarafa dhe Carvago për të gjithë Ballkanin me qendër në Kosovë, në Kosovë do të fillojë si pilok dhe do të ecim përpara. Sot ajo ditë ka ardhur me qëllim me mision që ta demokratizojmë tregun e veturave në Kosovë së pari”, tha Mërgim Cahani, Gjirafa Founder and CEO.
“Sinqerisht nuk ishte shumë e lehtë, kishte shumë sfida me të cilat u përballëm, me shumë pengesa rrugës që ta kemi Carvagon në Kosovë. Por kjo ishte storje e ekipës së Gjirafës.”, tha Jakub Šulta, Carvago Co-Founder and CEO.
Bashkëpunimi Carvago Gjirafa sipas apmbasadorit çek në Kosovë është dëshmi e bashkëpunimit dhe storie suksesi.
“Kjo nismë nënvizon angazhimin e të dy vendeve për të nxitur rritjen ekonomike. Carvardo është kompania e parë në Evropë që ofron një platformë online gjithpërfshirës për blerjen e veturave”, tha Bohumil Mažanek, Ambasador i Çekisë.
Në lansimin e këtij projekti nuk munguan as udhëheqësit e shtetit.
“Gjirafa është njëra ndër ato rrëfimet e suksesit e cila tashmë nuk është vetëm e jona, është një kompani evropiane. Kjo tregon se Kosova mund t’i ofrojë Evropës më shumë se kaq ndaj edhe ambicja jonë siç ka qenë gjithmonë është që të jemi pjesë e Bashkimit Evropian aty ku e kemi vendin”, tha Vjosa Osmani, Presidente.
“Kërcëmi mbresëlënës prej 113% që do të thotë më shumë se dyfishim në eksportin e shërbimeve në vitin 2022, e bënë sektorin e teknologjisë sektor në rritjen më të shpejtë në ekonominë e vendin tonë.”, tha Albin Kurti, Kryeministër.
Nga cilido vend, CARVAGO BY GJIRAFA e sjell makinën në cilëdo adresë në Kosovë.
CARVAGO BY GJIRAFA e blen veturën dhe e çregjistron në vendin e origjinës, pastaj kryhen kontrollet, përfshirë kontrollën teknike, regjistrimin dhe targat. Nëse klienti kërkon, vetëm përmes porosisë online organizohet edhe sigurimin e veturës.