Një muaj paraburgim për të dyshuarin për vrasjen e 30 vjeçarit në Ferizaj

Gjykata Themelore në Ferizaj ka aprovuar kërkesën e Prokurorisë Themelore të Ferizajt, për caktimin e një muaji paraburgim për të pandehurin, Qëndrim Januzi, i dyshuar për vrasjen e 30-vjeçarit në Ferizaj

Gjykata Themelore në Ferizaj, Departamenti për Krime të Rënda, të hënën, ka aprovuar kërkesën e Prokurorisë Themelore të Ferizajt, për caktimin e masës së paraburgimit ndaj të pandehurit Qëndrim Januzi, për shkak të dyshimit të bazuar se ka kryer veprën penale “vrasja e rëndë”.

Në njoftim thuhet “Pas mbajtjes së seancës dëgjimore dhe analizimit të shkresave të lëndës, gjyqtari i procedurës paraprake i Departamentit për Krime të Rënda, ka vlerësuar se ekziston dyshimi i bazuar mirë, se i pandehuri më 28 maj 2022, në Ferizaj, me dashje dhe përgatitje paraprake, ka privuar nga jeta tani të ndjerin G.H., në atë mënyrë që ka vënë në rrezik edhe jetën e personave të tjerë, me ç ‘rast që pas një mosmarrëveshje të mëhershme me të takuar tani të ndjerin, ka shtënë në drejtim të tij me armë zjarri shtatë herë, ku si pasojë e të shtënave nga plagët e marra ndërron jetë”.

Po ashtu, gjyqtari i procedurës paraprake, kërkesën e prokurorit të shtetit për caktimin e masës së paraburgimit ndaj të pandehurit e ka aprovuar si të bazuar konform dispozitave të nenit 187 paragrafi 1 nënparagrafi 1.1 e 1.2 pika 1.2.2 e 1.2.3 të Kodit të Procedurës Penale të Republikës së Kosovës (KPPRK) dhe të njëjtit i është caktuar masa e paraburgimit në kohëzgjatje prej një muaji.

Me këtë rast palët njoftohen se ankesa kundër këtij aktvendimi nuk e shtyen ekzekutimin e tij.

Ndërkaq, qyteti i Ferizajt ishte tronditur në orët e para të së shtunës së 28 majit.

Nga përplasjet verbale, mospajtimet ndërmjet dy personave eskaluan deri në përdorim të armës së zjarrit.

E gjithë ngjarja përfundoi me fatalitet. Vrasjen e Gazmend Hysenit dyshohet që e kreu ferizajasi Qëndrim Januzi, po ashtu 30-vjeçar.

Në vendin ku ka ndodhur krimi rastësisht ka qëlluar një polic me rroba civile, i cili, sipas Policisë, për të shmangur rrezikun ka plagosur të dyshuarin.

“Në afërsi të vendit të ngjarjes një njësi policore e ka vërejtur të dyshuarin, pasi kanë dëgjuar të shtëna me armë zjarri dhe e ka paralajmëruar që të ndalojë, por i njëjti nuk i është përfillur urdhërave të policisë. Në këtë rast, për t’u vetëmbrojtur, zyrtari policior ka shtënë në drejtim të të dyshuarit me ç’rast është mbetur i plagosur”, Kanun Veseli – Zëdhënës i Policisë, Ferizaj.

Po ashtu, i dyshuari, menjëherë është dërguar për ndihmë mjekësore në Qendrën Emergjente në Ferizaj, e më pas për tretman të mëtutjeshëm mjekësor është dërguar në Qendrën Klinike Universitare të Kosovës(QKUK).

Vritet 30-vjeçari në Ferizaj, autori i dyshuar plagoset nga policia

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika