Policia e Kosovës ka njoftuar se një person ka humbur jetën të dielën e 8 janarit në Kamenicë, si pasojë e një aksidenti me traktor.
Sipas raportit 24-orësh të policisë, viktima që ishte duke e drejtuar traktorin ka humbur kontrollin dhe është rrokullisur.
“Viktima, mashkull kosovar, dyshohet se derisa ka qenë duke drejtuar traktorin, ka humbur kontrollin dhe është rrokullisur, me ç’rast i njëjti ka pësuar lëndime vdekjeprurëse”, thuhet në raport.
Rasti ka ndodhur rreth orës 16:30, ndërsa vdekjen e tij e ka konstatuar mjeku kujdestar.
Në këtë aksident ishte i përfshirë edhe djali i viktimës, i cili ka mbetur i lënduar dhe pastaj ka pranuar tretman mjekësor.
Tutje, thuhet se me vendim të prokurorit, trupi i pajetë i viktimës është dërguar në Institutin e Mjekësisë Ligjore (IML) për obduksion.