Një person ka raportuar se gjersa po lëvizte me veturë në Prishtinë është sulmuar me armë zjarri nga tre persona.
Kështu bëhet e ditur në raportin 24-orësh të policisë.
Sipas policisë, rasti ka ndodhur të mërkurën rreth orës 19:08, e njësitet kanë gjetur dhe konfiskuar 6 gëzhoja.
Për rastin është njoftuar prokurori teksa nuk raportohet për të arrestuar.
Rasti është iniciuar si “Vrasje në tentativë”.
“Viktima mashkull kosovar ka raportuar se derisa ishte në lëvizje me veturë është sulmuar me armë zjarri nga tre persona. Si pasojë në veturë janë shkaktuar dëme materiale. Në vendin e ngjarjes kanë dalë njësitet përkatëse ku kanë gjetur dhe konfiskuar 6 gëzhoja. Lidhur me rastin është njoftuar prokurori”, thuhet në raportin e PK-së.