Një person është vetëplagosur me armë zjarri në orët e para të mëngjesit në Ferizaj.
Sipas raportimit të Policisë së Kosovës, rasti ka ndodhur rreth orës 03:15, kur viktima, teksa ishte duke ecur, dyshohet se është rrëzuar dhe në atë moment i është shkrepur arma që e kishte me vete.
Si pasojë, ai ka pësuar lëndime trupore dhe është dërguar për tretman mjekësor. Sipas mjekut, gjendja e tij shëndetësore është e rëndë.
Gjatë ekzaminimit të vendit të ngjarjes, në çantën e personit është gjetur dhe konfiskuar një pistoletë, me të cilën dyshohet se është vetëplagosur, si dhe një sasi e vogël e substancës së dyshuar narkotike të llojit marihuanë.
Rasti është duke u hetuar nga organet kompetente.