Një person zhduket në Liqenin e Batllavës pasi hyri në ujë, mobilizohen ekipet e kërkim-shpëtimit
Policia e Kosovës ka konfirmuar se rreth orës 13:00 është raportuar një rast në Liqenin e Batllavës, ku dyshohet se një person ka hyrë në ujë dhe më pas nuk është parë të dalë. Zëdhënësi i Policisë për rajonin e Prishtinës, Enis Pllana, ka bërë të ditur për Dukagjinin se menjëherë pas pranimit të informatës […]
Policia e Kosovës ka konfirmuar se rreth orës 13:00 është raportuar një rast në Liqenin e Batllavës, ku dyshohet se një person ka hyrë në ujë dhe më pas nuk është parë të dalë.
Zëdhënësi i Policisë për rajonin e Prishtinës, Enis Pllana, ka bërë të ditur për Dukagjinin se menjëherë pas pranimit të informatës janë angazhuar të gjitha njësitë relevante policore, së bashku me ekipet e kërkim-shpëtimit.
“Rreth orës 13:00 kemi pranuar informatën se një person dyshohet se ka hyrë në ujë në Liqenin e Batllavës dhe nuk është parë të dalë më pas. Menjëherë janë angazhuar njësitë policore dhe ekipet e kërkim-shpëtimit. Operacioni është ende duke vazhduar për lokalizimin e personit,” ka deklaruar Pllana.
Kërkimet në zonë po vazhdojnë, ndërsa ende nuk ka ende informacione tjera.















