Policia e Kosovës ka njoftuar se një shtetas kosovar është arrestuar të mërkurën në pikën kufitare në Bërnjak pasi iu gjetën fanella e vizitkarta me mbishkrime nacionaliste.

Sipas Policisë, në veturën e të dyshuarit janë gjetur dhe sekuestruar shtatë fanella dhe 148 vizitkarta që mbanin mbishkrime nacionaliste.

Rasti është hapur për “nxitje e urrejtjes, përçarjes dhe mosdurimit”.

I dyshuari u lirua në procedurë të rregullt.

“Është arrestuar i dyshuari kosovar për shkak se gjatë kontrollit në veturën e tij janë gjetur dhe sekuestruar 7 fanella dhe 148 vizitkarta me mbishkrime nacionaliste. I dyshuari pas inicimit të rastit me vendim të prokurorit është liruar në procedurë të rregullt”.