Një trup i pajetë gjendet i groposur në Lipjan, dyshohet për vrasje të rëndë
Një trup i pajetë është gjetur i groposur të hënën në fshatin Baicë të komunës së Lipjanit. Policia e Kosovës ka bërë të ditur se trupi është ende i paidentifikuar dhe se, bazuar në rrethanat fillestare, dyshohet për një rast të vrasjes së rëndë. Zëdhënësja e Policisë për rajonin e Prishtinës, Flora Ahmeti, ka konfirmuar […]
Një trup i pajetë është gjetur i groposur të hënën në fshatin Baicë të komunës së Lipjanit.
Policia e Kosovës ka bërë të ditur se trupi është ende i paidentifikuar dhe se, bazuar në rrethanat fillestare, dyshohet për një rast të vrasjes së rëndë.
Zëdhënësja e Policisë për rajonin e Prishtinës, Flora Ahmeti, ka konfirmuar se hetuesit policorë, në koordinim me prokurorinë, kanë nisur veprimet procedurale.
“Trupi i pajetë është dërguar në Institutin e Mjekësisë Ligjore për autopsi dhe për identifikim. Bazuar në rrethanat fillestare, dyshohet për vrasje të rëndë”, ka deklaruar Ahmeti.
Hetimet për zbardhjen e rastit janë në vazhdim.















