Policia e Kosoves ka njoftuar se një person është arrestuar dhe ka marrë trajtim mjekësor, pas rrahjes me një tjetër në rrugën “Hajrullah Zymi” të Fushë-Kosovës të shtunën.

Sipas raportit policor, mosmarrëveshja dhe përleshja u bë rreth një parkingu. I dyshuari i arrestuar është dërguar në mbajtje me vendim të prokurorit.

E i dyshuari tjetër gjendet në arrati. Në raportin 24-orësh të Policisë, rasti është iniciuar si “sulm”.

·         Rr. Hajrullah Zymi, Fushë Kosovë  26.04.2025-11:30. Është raportuar se dy të dyshuar meshkuj kosovar, pas një mosmarrëveshje rreth parkingut janë përleshur në mes vete. Njëri nga të dyshuarit është arrestuar dhe ka pranuar tretman mjekësor, dhe i njëjti me vendim të prokurorit është dërguar në mbajtje, ndërsa i dyshuari tjetër gjendet në arrati”, vijon raporti.