Për shkak të tensionimit të situatës në Veri të Mitrovicës, në terren kanë dalë edhe njësitet e KFORI-it.
Një njësit i tyre është parë 5 km larg komunës së Zveçanit dhe fshatit Rudarë, ku është e vendosur një barikadë nga qytetarët serbë të asaj pjese.
Gazetarët e Rtv Dukagjinit, të cilët janë në vend të ngjarjes kanë bërë të ditur se ky njësit i KFOR-it, ka qëndruar aty më pak se dy minuta për të vazhduar pastaj në drejtim të Leposaviqit/Zveçanit aty ku ndodhet barikada.
Ndërkaq, pas raportimeve të disa mediave se ka policë të Kosovës që janë lënduar nga shkrepja me armë zjarri, Policia e Kosovës ka dalë me njoftim zyrtar, se një gjë e tillë nuk është e vërtetë.
Ndërkaq, për Protalin Dukagjini, drejtori i Policisë së Kosovës, Samedin Mehmeti, ka thënë se gjendja në Veri është e qetë.