Njohësi i sigurisë, Drizan Shala, për situatën e krijuar në Veri të Kosovës pas bojkotimit të institucioneve të Kosovës, nga ana e serbëve lokal në katër komunat veriore ka thënë se jemi duke u rikthyer në kohë.
Shala në FIVE në RTV Dukagjini ka thënë se situata e ngjashme me këtë ishte edhe ajo e vitit 2008, kur Kosova e kishte shpallur pavarësinë e saj.
“Çështja është se jemi duke u rikthyer në ‘Status Quo’ të vitit 2008”, ka vlerësuar Shala.
Sipas tij, Beogradi është duke luajtur me kartën e fundit për ta penguar jetësimin e planit franko-gjerman.
Më tej ai ka thënë se ekziston rreziku nga një konflikt i vogël nga grupet kriminale serbe të dirigjuara nga Beogradi në veriut të Kosovës.
“Veriu i Kosovës është duke u kthyer në anarki nga presidenti i Serbisë, Aleksandar Vuçiq”, ka përfunduar mes tjerash ai.