Xhudistja kosovare, Nora Gjakova, është mposhtur në çerekfinale të Grand Slamit në Baku.
Gjakova u mposht nga britanikja Lele Nairne, e cila fitoi çerekfinalen e këtij turneu.
Megjithatë, Nora Gjakova mund të mbetet në garë për medaljen e bronztë.
Ky turne që po mbahet në Grand Slam të Azerbajxhanit përfshin gjithsej 5 kontinente, 61 shtete dhe ka afro 366 garues.
Vlen të theksohet, se Nora Gjakova ndeshet në kategorinë -57 kilogram dhe gara e saj ka filluar nga ora 08:00 dhe pritet të vazhdojë derisa ajo të ndeshet me garueset e radhës.
Kujtojmë se, gjatë së premtes për Kosovën do të garojë vetëm xhudistja Nora Gjakova, ndërsa do të pasohet të dielën nga Loriana Kuka.