Norvegjia do t’ua ndalojë hyrjen shumicës së turistëve rusë

Norvegjia do të vendosë kufizime shtesë ndaj turistëve rusë, për shkak të luftës në Ukrainë, tha të enjten Ministria e Drejtësisë e vendit nordik.

Hyrja do të jetë e ndaluar pothuajse për të gjithë turistët rusë, sipas Ministrisë.

Norvegjia, anëtare e NATO-s, e ndan një vijë kufitare gati 200 kilometra të gjatë me Rusinë në Arktik.

Ajo vendosi kufizimeve ndaj turistëve rusë për herë të parë në vitin 2022, pasi Moska e nisi pushtimin e paprovokuar dhe të jashtëligjshëm të Ukrainës.

“Vendimi për ashpërsimin e rregullores së hyrjeve, është në përputhje me qëndrimin e Norvegjisë, për të qëndruar përkrah aleatëve dhe partnerëve në përgjigjen e tyre ndaj luftës agresore dhe të jashtëligjshme të Rusisë kundër Ukrainës”, tha ministrja e Drejtësisë e Norvegjisë, Emilie Enger Mehl.

Qytetarëve rusë, qëllimi i të cilëve është turizmi dhe udhëtimet e tjera jothelbësore, do t’u ndalohet hyrja. Përjashtime mund të ketë në rastet siç janë, vizitat te familjarët e ngushtë që jetojnë në Norvegji, sipas Ministrisë.

Vendimi i ri do të hyjë në fuqi më 29 maj./REL

Shija e redaktorit

Spanja kampione e Evropës për herë të katërt

Ka mbaruar super ndeshja mes Spanjës dhe Anglisë në kuadër të finales së Kampionatit Evropian 2024. Pas një loje fantastike, Spanja ka përmbyllur ndeshjen me...

Spanja në finale, mposht Francën

Kombëtarja e Spanjës ka arritur kualifikimin në finale të Euro 2024, pasi mposhti me rezultat 2:1 kombëtaren e Francës në gjysmëfinale. Në pjesën e dytë...

Ballkani triumfon në ndeshjen e parë kualifikuese në Ligën e...

Ballkani ka fituar 2-1 ndaj Santa Coloman në 1/8 e fazës kualifikuese në Ligën e Kampionëve. Ndeshja nisi me një ritëm të qetë, por që...

Të fundit nga rubrika