“Nuk jam i befasuar”, Biden reagon pas vdekjes së shefit të Wagner

Shefi i Wagner-it, Yevgeny Prigozhin, e ka humbur jetën si pasojë e rrëzimit të avionit në Rusi, me nëntë persona të tjerë në bord të vdekur gjithashtu. Megjithatë, vdekja e tij nuk ishte e habitshme për Presidentin e SHBA-së, Biden

Joe Biden, President i Shteteve të Bashkuara të Amerikës

Presidenti i Shteteve të Bashkuara të Amerikës, Joe Biden, ka deklaruar se nuk është i befasuar nga vdekja e shefit të grupit mercenar “Wagner”, Yevgeny Prigozhin.

Siç raporton “The Independent”, Biden ka reaguar ndaj raportimeve se shefi i Wagner-it, Yevgeny Prigozhin, ka vdekur në një aksident avioni pranë Moskës. Ai ka deklaruar se nuk ka shumë ngjarje që ndodhin në Rusi e prapa tyre nuk është presidenti rus Putin.

“Nuk e di për faktin se çfarë ndodhi, por nuk jam i befasuar”, tha Biden. Ndërsa gazetarët nxituan t’i bënin pyetjet vijuese, ai tha: “Nuk ka shumë gjëra që ndodhin në Rusi që Putini nuk qëndron pas. Nuk di mjaftueshëm për t’i ditur përgjigjet…”, deklaroi Biden.

Shefi i Wagner-it, Yevgeny Prigozhin, e ka humbur jetën si pasojë e rrëzimit të avionit në Rusi, me nëntë persona të tjerë në bord, të vdekur gjithashtu, raporton BBC.

Sipas The Sun, pamjet treguan avionin duke u përplasur në tokë menjëherë pas ngritjes në Rusi. Pasojat treguan flakët që kërcenin nga rrënojat e shkatërruara të një avioni.

Kanalet në “Telegram” raportuan se ishte avioni i liderit rebel rus që ishte zhytur në mënyrë misterioze nga qielli dhe ishte përplasur në një grumbull të zjarrtë. Pretendohet se Prigozhin ka vdekur – së bashku me të gjithë të tjerët që ishin në bord.

Prigozhin udhëhoqi një rebelim të dështuar kundër forcave të armatosura ruse në qershor.

 

Shija e redaktorit

Presidentja Osmani nderohet me Çmimin e Evropës nga Fondacioni Pan-Europian

Fondacioni Fondacioni Pan-Evropian Richard Coudenhove-Kalergi i ka ndarë Presidentes së Kosovës Vjosa Osmani, çmimin e ‘Evropës’, për përkushtimin e saj ndaj raporteve me partnerët...

Nis ceremonia e diplomimit të gjeneratës së 59-të të Policisë...

Ka filluar ceremonia e diplomimit të gjeneratës së 59-të të Policisë së Kosovës. Sot diplomojnë 445 kadetë të Policisë së Kosovës. Kryeministri i Republikës së Kosovës,...

Policia konfirmon arrestimin e Akil Gjakovës

Policia e Kosovës, ka arrestuar xhudistin Akil Gjakova, si të dyshuar për veprën penale dhunë në familje. Lajmin për Portalin Dukagjini e ka konfirmuar zëdhënësi...

Të fundit nga rubrika