Kryetari i Skenderajt, Fadil Nura, e ka vlerësuar si të padrejtë dhe të panevojshme gjykimin e ish-krerëve të UÇK-së.
Ndërsa, për gjykimin e sotëm në Hagë, Nura ka thënë se e presin epilogun e ngjarjes që do të vijojë.
Sipas tij, deri tashmë është “pikëpyetje e madhe” nëse do të ketë drejtësi dhe gjykim të drejtë.
“Prandaj ishte dhe marshi i djeshëm që u bashkuam me qindra mijëra qytetarë, sepse po vërehet se brenda kësaj gjykate nuk ka elemente të drejtësisë, fatkeqësisht, dhe i gjithë angazhimi ynë është që të ketë drejtësi”, ka thënë kryetari i Skenderajt, Fadil Nura, në edicionin special të RTV Dukagjinit.
Kryetari i Skenderajt ka shtuar tutje se që nga fillimi i gjykimit, duke përfshirë mbajtjen në paraburgim dhe shkeljen e të drejtave të të akuzuarve është jashtë normave dhe parimeve ndërkombëtare.