Nura: Jemi të përjashtuar nga lista e 13 milionëshit, Skenderaj merr zero euro nga Qeveria

Kryetari i komunës së Skenderajt, Fadil Nura, e quan një precedent të rrezikshëm përjashtimin nga lista e përkrahjes së nivelit qendror

Kryetari i komunës së Skenderajt, Fadil Nura, ka deklaruar se komuna e cila udhëhiqet nga ai, është përjashtuar nga lista e 13 milionë eurove të shpërndarjes buxhetore nga Qeveria e Kosovës.

I ftuar në emisionin “Debat Plus” në RTV Dukagjini, Nura ka thënë se komuna e Skenderajt ka marrë zero euro nga Qeveria e udhëhequr nga kryeministri Albin Kurti.

“Nga ajo që ne dimë, projekte të reja është zero, dhe kjo është një shpërfaqje e një liste. Nuk kemi asnjë projekt të ri. Jemi të përjashtuar nga lista e 13 milionëshit”, thotë ai.

Nura thekson se komuna e Skenderajt nga fatkeqësitë natyrore ka pësuar humbje mbi gjashtë milionë euro.

Dhe kjo, sipas tij, do të duhej të ishte komunë me prioritet nga Qeveria.

“Është penalizuar taksapaguesi, qytetari… Prioritet më të madh se një komunë që ka pasur gjendje të jashtëzakonshme nuk ka. Në infrastrukturën politike e kemi pasur të dëmtuar diku mbi 6 milionë… dhe kjo me ligjin për fatkeqësi natyrore e obligon institucionet qendrore t’i financojë me prioritet”, tha ai.

Nura e quan një precedent të rrezikshëm përjashtimin nga lista e përkrahjes së nivelit qendror.

“Për mua çdo komunë që përkrahet është në favor të qytetarëve të këtij vendi, por përjashtimi nga lista investive e përkrahjes së nivelit qendror është e para herë dhe është një precedent i rrezikshëm, sepse, nëse të ardhmen aplikohet kjo mendësi se cila parti politike do të menaxhojë me institucionet qendrore, atëherë komunat do të vuajnë”, u shpreh ai.

Shija e redaktorit

Spanja kampione e Evropës për herë të katërt

Ka mbaruar super ndeshja mes Spanjës dhe Anglisë në kuadër të finales së Kampionatit Evropian 2024. Pas një loje fantastike, Spanja ka përmbyllur ndeshjen me...

Spanja në finale, mposht Francën

Kombëtarja e Spanjës ka arritur kualifikimin në finale të Euro 2024, pasi mposhti me rezultat 2:1 kombëtaren e Francës në gjysmëfinale. Në pjesën e dytë...

Ballkani triumfon në ndeshjen e parë kualifikuese në Ligën e...

Ballkani ka fituar 2-1 ndaj Santa Coloman në 1/8 e fazës kualifikuese në Ligën e Kampionëve. Ndeshja nisi me një ritëm të qetë, por që...

Të fundit nga rubrika