Nura: Mbi 10 milionë euro dëm nga vërshimet në Skenderaj

Kryetari i komunës së Skenderajt, Fadil Nura, ka thënë se dëmi nga vërshimet në këtë komunë vlerësohet të jetë rreth 10 milionë euro

Kryetari i komunës së Skenderajt, Fadil Nura deklaroi se dëmi nga përmbytjet në këtë komunë, është vlerësuar në 10 milionë euro.

Nura ka thënë se përmbytjet kanë dëmtuar jashtëzakonisht infrastrukturën publike, teksa shtoi se 11 ura janë shkatërruar totalisht.

Ndër të tjera, Nura bëri të ditur se kryebashkiaku i Tiranës, Erion Veliaj dhe kryemininistri Edi Rama i kanë deklaruar se janë në gatishmëri për t’i ardhur në ndihmë.

“Kryesisht, janë 10 fshatra që janë goditur, përfshirë qyteti i Skenderajt. Është dëmtuar jashtëzakonisht infrastruktura publike. Bëhet fjalë për 11 ura të shkatërruara totalisht, jashtë përdorimit. Rrugë, ekonomi familjare, biznese, ekonomi bujqësore, ku vlerësimi është 10 milionë euro dëme në total”, ka thënë Nura në një intervistë për Euronews Albania.

Në anën tjetër, Nura ka falënderuar personat që shprehen gatishmëri të ndihmojnë qytetarët e Skenderajt.

“Në këto momente të vështira pas dëmeve të shkaktuara si pasojë e vërshimeve, na u gjenden shumë njerëz të mirë e shumë dashamirë si miqtë e mi, nënkryetari i PDK-së Uran Ismaili, Rafet Rama, deputetët e Parlamentit të Kosovës Eliza Hoxha, Ariana Musliu – Shoshi, Ganimete Musliu dhe Ardian Kastrati, që shprehu gatishmëri të ndajë konakun e tij me familjet e prekura nga përmbytjet”, shkroi ai në Facebook.

Po ashtu ai ka shpërndarë disa fotografi të fshatit Tushilë të komunës së Skenderajt për të cilin thotë se është një plagë e hapur e këtyre ditëve tmerri.

“Tushila – plagë e hapur e këtyre ditëve tmerri për ato familje që nën drithërima u gjenden përballë forcës shkatërruese të përmbytjes vrasëse të jetës së bagëtisë, rrënimit të shtëpive, infrastrukturës dhe dëmeve të konsiderueshme ekonomike e bujqësore, por jo edhe të shpirtit të banorëve, me të cilët bashkë do të ngrihemi për të rindërtuar dhe rinisur gjithçka nga fillimi”, shtoi ai.

Ndërkaq, Nura po ashtu ka thënë se në listën e gjatë të kompanive dhe ekipeve të shërbimeve publike dhe jopublike, që po na ndihmojnë të ringritemi dalëngadalë, mirënjohje dhe falënderime për ndërmarrjet “Uniteti”, “Pastrimi”, “Eko Natyra”, “EkoRegjioni” Prizren, KRM “Pastërtia” Ferizaj, NPL “Higjiena” Deçan, NPL “Perparimi” Vushtrri, NPL “Kastrioti” Obiliq, KRU “Gjakova” KRM “Ambienti” Pejë me njësitë e saj Istog dhe Klinë, me mbi 100 punëtorë të palodhshëm, duke dhënë kontribut në pastrimin e hapësirës së gjerë publike dhe kthimit të jetës normale.

Ndërkohë ai ka thënë se shkollat po bëhen gati për t’i pritur nxënësit, falë angazhimit të personelit arsimor dhe teknik, të cilët po i pastrojnë hapësirat e objekteve dhe po rikthejnë gjerat në vendin e vetë.

Shija e redaktorit

Trupat e FSK-së arrijnë në Adana, priten me duartrokitje nga...

Kontingjenti i parë i FSK-së në operacionin e kërkim-shpëtimit në zonat e prekura nga tërmeti në Turqi, tashmë ka arritur në Adana. Fondacioni SETA në...

Distria Krasniqi fiton medaljen e artë në garën më prestigjioze...

Xhudistja nga Kosova, Distria Krasniqi ka fituar medaljen e artë në turneun "Grand Slamin", i cili po mbahet në Paris të Francës. Distria nuk ndalon...

Albina Kelmendi dhe familja do të performojnë në natën e...

Shqipëria e cila këtë vit prezantohet nga Albina Kelmendi me familje me këngën “Duje”, do të performojnë në natën e dytë gjysmëfinale, më 11...

Më të lexuarat

Avokati i Fatmir Limajt me ultimatum për analistin Hoxha, për...

Analisti i emisionit Debat Plus në RTV Dukagjinin, Dibran Hoxha, i ka publikuar disa mesazhe që i ka marrë në rrjetin e tij social...

Takimi miqësor i dy ikonave të xhudos

Dy ikona të xhudos, Majlinda Kelmendi dhe Teddy Riner, kanë pasur një takim të shkurtë miqësor gjatë Grand Slamit, në Paris. Xhudistja Kelmendi tashmë është...

Shkon mbi 500 numri i viktimave në Turqi dhe Siri

Pasojat e tërmetit që e goditi Turqinë dhe Sirinë të hënën janë të mëdha. Numri i viktimave ka shkuar në më shumë se 500...

Të fundit nga rubrika