Nushi nga PSD-ja: Arben Vitia u kthye për të dështuar sërish

Emërimin e ministrit të Shëndetësisë, Arben Vitia, nuk e ka mirëpritur Nol Nushi nga PSD-ja, i cili ka thënë se Vitia është rikthyer për “të dështuar sërish”

Nol Nushi i ftuar në emisionin FIVE të RTV Dukagjinit

Pas riemërimit të ministrit të Shëndetësisë, Arben Vitia, ka reaguar anëtari i Partisë Socialdemokrate, Nol Nushi.

Me anë të një postimi në Facebook, Nushi ka thënë se Vitia është rikthyer për “të dështuar” sërish.

Me pak rreshta, Nushi e ka përshkruar rrugën e Vitisë si ministër, më pas si kandidat për të parin e kryeqytetit, që për të, Vitia “ka dështuar” në të dyja rastet.

“Arben Vitia ishte emëruar ministër për të bërë fushatë për kryetar komune. Dështoi si ministër, e dështoi edhe në fushatë. Ai ishte përgjegjës për hapjen e masave që shkaktuan mijëra të infektuar e dhjetëra të vdekur. Për këtë ka Kallëzim Penal. Më pas u emërua drejtor i spitalit privat, i cili u zhvillua shumë përderisa Vitia ishte ministër. Tash kthehet prapë për të dështuar prapë. Kaq për shëndetësinë publike”, ka shkruar Nushi.

Kryeministri i Kosovës, Albin Kurti, ka marrë vendim që Arben Vitia të jetë përsëri ministër i Shëndetësisë.

Ish-ministri i Shëndetësisë, Arben Vitia, i cili e kishte lënë këtë post për të garuar për të parin e kryeqytetit, ishte duke punuar në një ordinancë private.

Vitia i kishte humbur zgjedhjet për të parin e kryeqytetit në balotazh kundër kryetarit aktual, Përparim Rama.

“Kryeministri i Republikës së Kosovës, Albin Kurti, sot ka emëruar Arben Vitin, ministër për Shëndetësi, të cilit i ka uruar suksese në plotësimin e detyrave dhe përgjegjësive të tij”, thuhet në komunikatën zyrtare nga Zyra e Kryeministrit.

Ndërkohë, pas dorëheqjes së Rifat Latifit nga Ministria e Shëndetësisë, ky post kishte mbetur pa ministër për plot 79 ditë.

Ky sektor është kritikuar më së shumti nga partitë opozitare, gazetarët dhe shoqëria civile.

Shija e redaktorit

Bujar Osmani, kandidat i BDI-së për president në Maqedoninë e...

Kryetari i Bashkimit Demokratik për Integrim, Ali Ahmeti, ka bërë të ditur se Bujar Osmani do të jetë kandidati i partisë së tij në...

Komandanti i Gardës së Ajova-s bashkë me gjenerallejtënant Jashari shohin...

Komandanti i Forcës së Sigurisë së Kosovës (FSK), gjenerallejtënant Bashkim Jashari, së bashku me komandantin e Gardës së Ajova-s, gjeneral major Stephen E. Osborn,...

Kreshnikët e Shalës së Bajgorës

Ulërima e 300 spartanëve dhe mbretit Lenoidhas, i trimërohet e me cinizëm i buzëqesh vdekjes, tash e 2500 vjet. Shaljanët, mund të kenë dëgjuar për...

Të fundit nga rubrika