Nushi për Kurtin: E ka ngritur në qiell një person i cili kur është vrarë ishte duke u gjykuar për  krime lufte ndaj shqiptarëve

Nol Nushi nga radhët e Partisë SocialDemokrate (PSD)
Nol Nushi nga radhët e Partisë SocialDemokrate (PSD)

“Opozita e atëhershme, Qeveria e sotme nuk ka lënë gjë të zezë pa thënë për këta politikanë që kanë nderuar apo kanë bashkëpunuar me polikanë të tillë të minoritetit serb. Ju e dini çfarë i kanë bërë Ramush Haradinajt si kryeminstër kur është takuar me Radojçiqin në zyrën e tij, thojshin po e rehabiliton një kriminel. Çfarë ka bërë dje zoti Kurti me një veprim, unë nuk di, unë hesapin s’mundem të ia bëj atij veprimi mirëpo e ka përlartësuar, e ka dërguar në piedestal, e ka dërguar në qiell një person i cili kur është vra ka qenë duke u gjykuar për krime lufte ndaj shqiptarve e po ashtu, i akuzuar edhe me dëshmitar të gjallë për spastrimin etnik në Veri”.

Kështu ka deklaruar Nol Nushi nga radhët e Partisë SocialDemokrate (PSD) në “Debat Plus” të RTV Dukagjini, aty ku mbrëmjen e së martës po diskutohet lidhur me politikanin serb, Oliver Ivanoviq.

Në një komunikatë të 3 shkurtit 2019, partia e Albin Kurtit thoshte se dënimi i politikanit serb Oliver Ivanoviq ishte gjysmak, derisa e akuzonte për vrasjen e dëbimin e shqiptarëve të rënë me 3 dhe 4 shkurt të vitit 2000.

Në ditët e sotme, 4 vjet më pas kryetari i kësaj partie e tashmë edhe Kryeministri i Kosovës, Albin Kurti lartësoi figurën e kontributin e Ivanoviq në një video të veçantë në përvjetorin e vrasjes së tij.

Lidhur me këtë, Nushi ka thënë se nuk mban mend që Ivanoviq të kishte pasur një rol në shtetndërtimin e Kosovës.

“Për këtë figurë, deri dje praktikisht, unë e di që ka pasur konsensus në Kosovë, të paktën nga shumica shqiptare. Është ditur që është pjesmarrës në krimet e luftës, është pjesëmarrës në krimet e pasluftës si udhëheqës i “Rojave të Urës” të  cilët e kanë shkaktuar pastrimin etnik të Veriut të Mitrovicës dhe e kanë ndërruar gjendjen demografike në atë zonë, po ashtu ka qenë anëtar apo sekretar në Ministrinë e Qeverisë së Serbisë për Kosovë, unë nuk e di ndonjë rol të tij përgjatë kësaj kohe i cili është në kuadër të shtetndërtimit, apo pozitiv në shtetndërtimin e Kosovës”, ka deklaruar ai.

Ajo çka Nushi konsideron të veçantë, është se sipas tij, Ivanoviq është një figure e nderuar edhe nga Kurti dhe nga presidenti serb, Aleksandër Vuçiq.

“Çka është e veçantë se ndoshta është e vetmja figurë që nderohet edhe prej Kurtit edhe prej Vuçiqit…janë të dy liderë popullistë dhe autoritarë të cilët mbi kufoma tentojnë të instrumentalizojnë situata të ndryshme për të iu kundërvënë njëri-tjetrit”, ka deklaruar ai.

Krahas kësaj, deklaratën e Kurtit mbi Ivanoviq, Nushi e ka cilësuar si një fyerje ndaj të mbijetuarve të veprimeve të Ivanoviq.

Shija e redaktorit

Trupat e FSK-së arrijnë në Adana, priten me duartrokitje nga...

Kontingjenti i parë i FSK-së në operacionin e kërkim-shpëtimit në zonat e prekura nga tërmeti në Turqi, tashmë ka arritur në Adana. Fondacioni SETA në...

Distria Krasniqi fiton medaljen e artë në garën më prestigjioze...

Xhudistja nga Kosova, Distria Krasniqi ka fituar medaljen e artë në turneun "Grand Slamin", i cili po mbahet në Paris të Francës. Distria nuk ndalon...

Albina Kelmendi dhe familja do të performojnë në natën e...

Shqipëria e cila këtë vit prezantohet nga Albina Kelmendi me familje me këngën “Duje”, do të performojnë në natën e dytë gjysmëfinale, më 11...

Më të lexuarat

‘Rikthehet’ analisti Dardan Gashi në Debat Plus me sondazh të...

Analisti Dardan Gashi, është rikthyer në emisionin Debat Plus në RTV Dukagnini, pasi kishte lëshuar debatin në mënyrë demostrative pas shfaqjes së një sondazhi...

Avokati i Fatmir Limajt me ultimatum për analistin Hoxha, për...

Analisti i emisionit Debat Plus në RTV Dukagjinin, Dibran Hoxha, i ka publikuar disa mesazhe që i ka marrë në rrjetin e tij social...

Takimi miqësor i dy ikonave të xhudos

Dy ikona të xhudos, Majlinda Kelmendi dhe Teddy Riner, kanë pasur një takim të shkurtë miqësor gjatë Grand Slamit, në Paris. Xhudistja Kelmendi tashmë është...

Të fundit nga rubrika