Nxitje e përçarje, prokuroria hap hetim ndaj rastit në fshatin Bernicë

Gjatë patrullimit Policia e Kosovës, kanë hasur në disa mbishkrime dhe vizatime në një shtëpi të pabanuar në fshatin Bernicë të Prishtinës

Rruga në Bernicë, ku ka grafite fyese dhe përçarëse

Në fshatin Bernicë e Poshtme në Komunën e Prishtinës, pos shqiptarëve, në këtë fshat rreth 8 kilometra nga kryeqyteti i Kosovës, jetojnë edhe banorë nga komuniteti serb.

Por, ditëve të fundit aty janë shkruar mesazhe e grafite fyese dhe përçarëse edhe për serbët por edhe shqiptarët.

Banorët që jetojnë së bashku këtu, nuk pranuan të flasin por prapa kamerave thanë se nuk kanë probleme mes veti.

Tash e disa ditë, në disa shtëpi të pabanuara në fshatin Bernicë, janë venë disa mbishkrime, të cilat në përmbajte kanë elemente nxitëse e përçarëse.

Grafitet në Bernicë

Policia e Kosovës ka intervistuar banorët, mirëpo deri më tani nuk ka asnjë të arrestuar apo dyshuar për këtë vepër.

Serbia dhe një zemër në mes Kosovës, është vetëm një nga grafitet e që duket se pjesa tjetër është kundërpërgjigje ndaj tyre, të cilat janë shkruar disa në rrugë e disa në këtë shtëpi të pabanuar.

Për gjithë këtë, Prokuroria Themelore e Prishtinës tashmë ka nisur hetimet.

“Prokurori kujdestar është lajmëruar nga Policia e Kosovës, dhe me urdhër të njëjtit, është iniciuar rast për hetime, në drejtim të veprës penale nxitje e urrejtjes, përçarjes dhe mosdurimit. Janë udhëzuar policia për mbledhjen e provave për këtë çështje”, ka thënë Laureta Ulaj nga Prokuroria Themelore në Prishtinë.

Deri më tani, asnjë person nuk është arrestuar për këto mbishkrime, derisa nuk është hera e parë që ndodhin të tilla raste.

Shija e redaktorit

Vetëm në muajin shkurt mërgata ka dërguar 87.9 milionë euro

Banka Qendrore e Republikës së Kosovës, sipas kalendarit të publikimeve, ka prezantuar statistikat për institucionet e tjera financiare për muajin shkurt 2024, të remitancave...

Ndahen 8 milionë euro për 11 komuna

Ministri i Administrimit dhe Pushtetit Lokal(MAPL), Elbert Krasniqi, ka njoftuar se janë ndarë 8 milionë euro në 11 Komuna. Ministri Krasniqi, bashkë me kryetarët e...

Kosova një hap më afër anëtarësimit në Këshill të Evropës

Komiteti për Politikë dhe Demokraci i Këshillit të Evropës ka miratuar raportin e raportueses për Kosovën, Dora Bakoyannis, ku rekomandohet që shteti ka përmbushur...

Të fundit nga rubrika