Presidentja e Kosovës, Vjosa Osmani ka përshëndetur rezolutën e Organizatës së Bashkëpunimit Islamik (OBI), e cila u bënë thirrje shteteve anëtare të saj të cilat nuk e kanë njohur ende pavarësinë e Kosovës që ta bëjnë sa më parë një veprim të tillë.
Përmes një postimi në llogarinë zyrtare në ‘Twitter’ Osmani ka thënë se presin bashkëpunim me shtetet anëtare të kësaj organizate.
”E mirëpres dhe e përgëzoj rezolutën e OBI, e cila u bën thirrje anëtarëve që ende nuk e kanë njohur pavarësinë e Kosovës, ta bëjnë këtë dhe të mbështesin anëtarësimet e Kosovës në organizatat ndërkombëtare”.
“Ne mezi presim të punojmë me shtetet anëtare për të nxitur marrëdhënie më të ngushta”, është thënë në postimin e Osmanit.
I welcome &commend the @OIC_OCI resolution calling on members that are yet to recognize the irreversible independence of the Republic of Kosovo to do so, & supporting 🇽🇰 memberships to intl’ organisations.
We look forward to working with member states to foster closer relations. pic.twitter.com/u69pDOvg98
— Vjosa Osmani (@VjosaOsmaniPRKS) April 5, 2022
Ndryshe, Organizata e Bashkëpunimit Islam (OBI) është organizata ndërkombëtare me delegat permanent në Kombet e Bashkuara me seli të përhershme në Xhide të Arabisë Saudite. Kjo organizatë paraqitet si përfaqësuese e përgjithshme e botëkuptimeve islame në botë.
OBI numëron 57 shtete anëtare, ku prej tyre, shtetet që kanë njohur Kosovën deri tani janë: Afganistani, Shqipëria, Bahraini, Bangladeshi, Benini, Brunei, Burkina Faso, Çadi, Bregu i Fildishtë, Xhibuti, Komoros, Emiratet e Bashkuara Arabe, Egjipti, Gaboni, Gambia, Guineja, Guinea Bissau, Guajana, Kuvajti, Libani, Libia, Malajzia, Maldivet, Nigeri, Pakistani, Arabia Saudite, Senegali, Sierra Leone, Somalia, Surinami, Turqia, Jemeni.
Kosova deklaroi pavarësinë më 17 shkurt 2008. Deri më sot, është e njohur nga 116 shtete, nga gjithsej 193 shtete anëtare të OKB-së.
