Ofensiva ruse në Donbas “ka filluar tashmë”

Ilustrim

Ofensiva e fundit e Rusisë në rajonin lindor të Donbasit ka filluar, ka thënë të hënën e 11 prillit një zyrtarë i lartë ukrainas, duke paralajmëruar se Rusia po vazhdon të grumbullojë forca ushtarake në atë territor.

Vadym Denysenko, këshilltar i ministrit të brendshëm të Ukrainës, në televizionin kombëtarë ukrainas ka deklaruar se “Nga këndvështrimi im, kjo ofensivë e madhe (në Ukrainën lindore) tashmë ka filluar”, përcjell CNN.

Donbas

“Duhet të kuptojmë se nuk do të jetë përsëritja e 24 shkurtit, kur filluan sulmet dhe shpërthimet e para ajrore dhe ne thamë “Lufta ka filluar”.

“Ofensiva e madhe de-fakto tashmë ka filluar”, ka deklaruar ai.

Nga vëzhgimet e fundit që janë bërë, zyrtarët ukrainas dhe ata perëndimorë kanë thënë se kanë përcjellë lëvizjen e trupave ruse në Donbas pas pengesave të mëdha për Moskën në një përpjekje për të marrë kryeqytetin, Kiev.

“Rusët po grumbullojnë forcat e tyre,” tha Denysenko duke shtuar se “Ata vazhdojnë të ridislokojnë trupat dhe pajisjet e tyre në rajonet Donetsk dhe Luhansk.

“Po, nuk ka ende beteja të mëdha që po diskutohen kaq shumë në ditët e fundit. Por në përgjithësi mund të themi se ofensiva tashmë ka filluar”.

Zyrtari ukrainas vuri në dukje se gjatë natës ka pasur shpërthime në rajonin e Dnipropetrovsk, por granatime ka pasur gjithashtu edhe në Kharkiv, qytetin e dytë më të madh të Ukrainës.

Kreu i administratës ushtarake rajonale të Luhanskut, Serhii Haidai, ka thënë se autoritetet ukrainase po organizojnë një “evakuim të zgjeruar” në Donbas, duke shtuar qarkullimin e më shumë trenave të evakuimit nga Luhansku dhe Donetsku.

Shija e redaktorit

Shkolla “Ismail Qemali” anëtarësohet në UNESCO Education Charter Club

Shkolla fillore e mesme e ulët “Ismail Qemali” në Prishtinë ka marrë konfirmimin zyrtar për themelimin e “Ismail Qemali UNESCO Education Charter Club”, duke...

“Dita e Forcës”, kazermat e FSK-së të hapura për qytetarët

Ministria e Mbrojtjes dhe Forca e Sigurisë së Kosovës, me rastin e Ditës së Forcës, sot duke filluar nga ora 09:00 deri në ora...

Enise Zijade, vajza tjetër e argjendtë e Kosovës

Xhudistja kosovare Enise Zijade ka shkëlqyer sot në Podgoricë, duke u renditur e dyta dhe duke siguruar medaljen e argjendtë. Ajo nisi garën me një...

Të fundit nga rubrika