Operacion ndërkombëtar antidrogë në Shqipëri, Gjermani dhe Itali, arrestohen 13 të dyshuar

Një operacion policor ndërkombëtar me kodin "Sammogia" ka rezultuar në arrestimin e 13 personave në tri shtete Shqipëri, Gjermani dhe Itali për trafikimin e kokainës, duke përfshirë arrestimin e tre të dyshuarve në Shqipëri

Foto ilustrim

Një operacion ndërkombëtar antidrogë është zhvilluar në Shqipëri, Gjermani dhe Itali.

Operacioni policor ndërkombëtar i koduar “Sammogia”, i iniciuar nga Policia italiane, u zhvillua njëkohësisht në Shqipëri, Itali dhe Gjermani, ku ranë në pranga 13 persona.

Në Shqipëri janë arrestuar tre persona, pasi dyshohet se janë pjesë e një grupi kriminal që trafikonte kokainë nga vendet e origjinës drejt Italisë, raporton Top Channel.

Gjatë këtij operacioni të zhvilluar paralelisht në Shqipëri, Itali dhe Gjermani, u lokalizuan në Vlorë, u kapën dhe u vunë në pranga  L.K., 52 vjeç, F.M., 38 vjeç dhe L.M., 33 vjeç, të cilët dyshohet se janë pjesëtarë të një organizate kriminale në Itali.

Për tre shqiptarët, Gjykata e Bolonjas ka caktuar masën e sigurisë “Arrest në burg”, për veprën penale “Trafikimi i lëndëve narkotike”, kryer në kuadër të organizatës kriminale.

Sipas njoftimit të Policisë së Shtetit, Interpol Tirana dhe homologët në Itali vijojnë bashkëpunimin për të kryer ekstradimin e këtyre shtetasve në Itali.

Shija e redaktorit

Spanja kampione e Evropës për herë të katërt

Ka mbaruar super ndeshja mes Spanjës dhe Anglisë në kuadër të finales së Kampionatit Evropian 2024. Pas një loje fantastike, Spanja ka përmbyllur ndeshjen me...

Spanja në finale, mposht Francën

Kombëtarja e Spanjës ka arritur kualifikimin në finale të Euro 2024, pasi mposhti me rezultat 2:1 kombëtaren e Francës në gjysmëfinale. Në pjesën e dytë...

Ballkani triumfon në ndeshjen e parë kualifikuese në Ligën e...

Ballkani ka fituar 2-1 ndaj Santa Coloman në 1/8 e fazës kualifikuese në Ligën e Kampionëve. Ndeshja nisi me një ritëm të qetë, por që...

Të fundit nga rubrika