Operohet në QKUK, deputeti i PDK-së: Gjendja në klinikë si në Gaza dhe në Ukrainë

Deputeti i PDK-së, Ardian Kastrati, pas një operacioni të suksesshëm në QKUK, falënderoi stafin mjekësor për profesionalizmin e treguar. Megjithatë, ai kritikoi ashpër Qeverinë për mungesën e gjërave elementare në QKUK

Në postimin e tij në Facebook, deputeti i PDK-së, Ardian Kastrati, përveç falënderimit për stafin mjekësor në QKUK, ka hedhur edhe kritika drejtuar “regjimit të Kurtit” siç i quan ai.

Sipas Kastratit, gjendja në klinikën ortopedike në disa aspekte është e krahasueshme me spitalet në frontet e luftës në Gaza dhe në Ukrainë.

“Stafi mjekësor aty është në nivele të larta të profesionalizmit dhe përgjegjësisë, mirëpo ata punojnë me paga të ulëta dhe në kushte të mjerueshme. Disa aspekte infrastrukturore dhe të pajisjeve janë të krahasueshme me spitalet në frontet e luftës në Gaza apo në Ukrainë. Për këto dhe arsye tjera mjekët dhe infermierët po ikin nga Kosova”, ka shkruar Kastrati.
Sipas Kastratit, pas katër vite qeverisjeje, kjo nuk mund të justifikohet me 20 vjet “shkatërrim”, sepse sipas Kastratit ka gjëra që mund të ndërrohen për vetëm katër ditë, si: blerja e çarçafëve për shtretër, blerja e poçave elektrikë dhe e pajisjeve elementare për banjo, duke e ilustruar gjendjen në klinikë edhe përmes fotove në postimin e tij.

 

Përndryshe, kjo është hera e dytë që deputeti i PDK-së i nënshtrohet operimit në QKUK në dy vitet e fundit, duke paralajmëruar mungesën e tij disajavore në kuvend për t’u rikuperuar.

Më poshtë postimi i plotë i Kastratit:

Shija e redaktorit

Spanja në finale, mposht Francën

Kombëtarja e Spanjës ka arritur kualifikimin në finale të Euro 2024, pasi mposhti me rezultat 2:1 kombëtaren e Francës në gjysmëfinale. Në pjesën e dytë...

Ballkani triumfon në ndeshjen e parë kualifikuese në Ligën e...

Ballkani ka fituar 2-1 ndaj Santa Coloman në 1/8 e fazës kualifikuese në Ligën e Kampionëve. Ndeshja nisi me një ritëm të qetë, por që...

Blinken duartroket rolin e Osmanit për hapjen e qendrës rajonale...

Sekretari amerikan i Shtetit, Antony Blinken, ka vlerësuar rolin e presidentes së Kosovës, Vjosa Osmani, në hapjen e qendrës rajonale “Gratë, Paqja dhe Siguria”...

Të fundit nga rubrika