Takimi i radhës në Bruksel i ftuar nga ndërmjetësi, Miroslav Lajcak për të diskutuar për cështjen e dinarit në sytë e opozitës nuk e vë Kosovën në një pozitë të favorshme.
Madje deputetët opozitarë, e quajnë zbrapsje të qeverisë mos shkuarjen e Bislimit në Bruksel.
“Kjo qeveri nuk ka as parime as strategji e as epilog, se si duhet të vazhdoj dialogu. Në vazhdimësi cështjet e brendshme bëhen temë në Bruksel, si stikerat, si targat si dinari janë krejtësisht cështje të brendshme të Republikës tonë që nuk kanë asnjë arsye e nevojë që të shndërrohen tema diskutimi për dialog. Këto janë kauza që z Kurti i hap brenda republikës tonë në mënyrë që t;i shmanget asociacionit”, ka thënë Ariana Musliu-Shoshi nga PDK.
“Njëjtë sikurse tash që janë zbraps, BQK sot vecse do të dialogoj dhe e kemi kthyer dialogun në nivel teknik ne vend se të dialogohet për cështje madhore, për cështje reciproke për ruajtjen e sovranitetit e integritetit respektim të kushtetutës së Kosovës sot zyrtarë të BQK-së, negociojnë në Bruksel për cështjen e dinarit. saherë që kjo Qeveri ka bërë veprime të ngutshme të pakoordinuara sikuse që është kjo sikurse ka qenë marrëveshja për targat”, ka thënë Time Kadrijaj nga AAK.
Mirëpo as si zbrapsje e as si dobësim të Kosovës në proces të dialogut nuk e shohin mazhoranca.
Madje sipas kryetarës së Komisionit për punë të Jashtme, Arbresha Kryeziu, takimi i thirrur nga Lajçak nuk është temë e dialogut.
“Atje sot është përfaqësuesi i BQK-së, i një institucioni që e ka nxjerr këtë vendim dhe jo i kryenegociatorëve. Ne nuk duam që cështjen e dinarit ta rikthejmë në temë të dialogut dhe nuk do të duhej të lejonte vet Bashkimi Evropian që të bëhej një veprim i tillë”, ka thënë Hyseni-Kryeziu.
Në Bruksel guverantori Ismajli ka deklaruar se për cështjen e dinarin vetëm ka informuar palët dhe se për këtë cështje nuk kapasur negociata.