Opozita – Kurtit: Ke bërë gabime – reflekto, kthehu te marrëveshja finale

Ndonëse e kanë shprehur mbështetjen e tyre si parti opozitare ndaj Qeverisë së Kosovës lidhur me dialogun, deputetët opozitarë kanë kërkuar nga kryeministri Albin Kurti që të fokusohet te marrëveshja finale





Deputetët e partive opozitare kanë kërkuar nga kryeministri i Kosovës, Albin Kurti, që të reflektojë dhe të fokusohet te marrëveshja finale.

Ata kanë thënë se Qeveria e Kosovës e ka mbështetjen e plotë të opozitës.

Deputeti i Lidhjes Demokratike të Kosovës, Armend Zemaj, ka thënë se qasjen e së mërkurës dhe të kësaj së enjte të kryeministrit nuk po e shohin si dobësi, por si reflektim pozitiv.

Ai ka theksuar se mbështetja e opozitës për dialog nuk ka pasur asnjëherë dilema.

“Ajo çka do të doja të thosha në emër të LDK-së është se edhe fjalët, edhe rezultatet janë të ndryshme, por shpeshherë po tentojmë ta përdorim një gjuhë gjoja që kryeministri ose Qeveria ose mazhoranca nuk janë humbës, humbës nuk dëshirojmë ta shohim askënd, sepse humbës do të jetë Kosova”.

“Edhe këtë qasje të djeshme dhe të sotme nuk e shohim dobësi, por reflektim pozitiv. Mos mendoni që e shohim si dobësi si opozitë dhe duhet t’iu sulmojmë në këtë pikë, andaj ky reflektim duhet të vazhdojë në kuptimin më të mirë përmbajtësor kolegial”, ka thënë Zemaj.

Në anën tjetër, deputeti i Aleancës për Ardhmërinë e Kosovës, Besnik Tahiri, ka thënë se duke e pasur parasysh situatën në të cilën Kosova gjendej “buzë rrezikut të madh”, kanë vendosur që retorikën ta mbajnë poshtë dhe në mbështetje të kryeministrit.

“Si rrjedhojë, të gjitha partitë opozitare, edhe ne në kuvend kemi vendosur ta mbajmë retorikën poshtë në mbështetje të kryeministrit, sepse është në ballafaqim me Serbinë”.

Megjithatë, sipas Tahirit, kryeministri Kurti ka nevojë për opozitën vetëm kur është në pozitë të vështirë.

“Ty kryeministër, ky kuvend të duhet vetëm kur të vjen ngushtë. Të ka ardhur ngushtë me referendum e kemi sjellë rezolutën, të ka ardhur ngushtë me zgjedhjet në Serbi të kemi mbështetur, sot a e sheh si po qëndrojmë, qetë, sepse e dimë që vendi ka qenë në rrezik. Ndryshoje qasjen”.

“Kthehu te marrëveshja finale, fokusohu t’ia japësh Kosovës një marrëveshje finale kur i ke miqtë e Kosovës, shiko kush po të këshillon që të kesh një qasje më të konsoliduar. Kthehu kah duhet, reflekto, ke bërë gabime serioze, mos i bëj më, dhe veproi mbi mandatin që e ke, mos eksperimento”, shtoi ai.





Shija e redaktorit

Xhubleta shqiptare në 110- vjetorin e Pavarësisë bëhet pjesë Komitetit...

Ministrja e Kulturës së Shqipërisë, Elva Margariti, përmes një videoje të publikuar në llogarinë zyrtare të Ministrisë së Kulturës në Facebook, ka bërë të...

Me pushkë e me penë – 110 vjet shtet

Gjithçka, nisi më 28 Nëntor të vitit 1443. Në këtë ditë, heroi kombëtar i shqiptarëve, Gjergj Kastrioti, ngriti flamurin e shqiponjës dykrenare mbi Kalanë e...

“Nëntori i Ftohtë” i regjisor Ismet Sijarina, nga tash e...

Filmi i metrazhit të gjatë artistik “Nëntor i ftohtë” me regjisor Ismet Sijarina, është bërë pjesë e Netflix International, shërbimit të transmetimit të shfaqjeve...

Më të lexuarat

“Për shkak të Qeverisë Kurti 1, djali im nuk do...

Ish-ministrja e Kulturës Rinisë dhe Sportit, Vlora Dumoshi, në emisionin ‘Personale’ me Krenare Vokshi-Shala, ka treguar se si djali i saj, Rroni, i cili...

Gruaja që u keqtrajtua tash është në gjendje të mirë

Zhaneta Nura, vajza e gruas e cila u maltretua fizikisht dhe psiqikisht nga një infermiere, tash është mirë dhe është qetësuar. Nura këtë e tha...

Vrasja në QKUK: Gruaja e vrarë ishte shtatzënë, u qëllua...

Gruaja shtatzënë e cila ka humbur jetën, është qëlluar me armë zjarri nga një person i cili dyshohet se është burri i saj. Kështu...

Të fundit nga rubrika