Një ortek i fuqishëm në zonën Tallone Grande, në Tirolin Jugor të Italisë, ka shkaktuar humbjen e jetës së dy personave.
Menjëherë pas ngjarjes, autoritetet nisën një operacion të gjerë kërkim-shpëtimi. Përveç viktimave, ekipet arritën të lokalizojnë edhe pesë persona të tjerë, ku tre prej tyre kanë pësuar lëndime të rënda, ndërsa dy të tjerë janë me plagë më të lehta, sipas Qendrës së Emergjencave në Bolzano.
Orteku ka ndodhur rreth orës 11:40 në një lartësi prej 2,445 metrash, duke përfshirë rreth 25 alpinistë dhe skiatorë. Shumica e tyre, fatmirësisht, kanë shpëtuar me dëmtime të lehta.
Në operacionin e shpëtimit janë angazhuar rreth 80 persona, të ndihmuar edhe nga gjashtë helikopterë.