Ministri i Shëndetësisë, Arben Vitia, dhe drejtori i ShSKUK-së, Elvir Azizi, kanë përuruar Klinikën e re të Ortopedisë.
Fillimisht, Vitia e Azizi vizituan dhomat dhe sallat operative të kësaj klinike, me ç’rast u bë e ditur se kostoja totale e investimit është 2.8 milionë euro, ku janë rinovuar 3500 metra katror me 22 dhoma e 44 shtretër.
“Përuruam këtë klinikë moderne prej 3 500 metra katror, me 22 dhoma dhe 44 shtretër që do të thotë se nga dy pacientë nëpër dhoma. Dhomat janë me klimatizim, me mekanizëm të thirrjes së infermierëve dhe mjekëve”
“Me komplet pjesën digjitale e cila do të mundësojë edhe për pjesën operative se si dhe çfarë është duke u bërë dhe cili mjek është duke operuar. Jam i lumtur që kjo klinikë me 2.8 milionë euro po hapet e që është në shërbim të pacientëve”, u shpreh Vitia, transmeton EO.
“Shumë shpejt do të fillojmë në spitalet regjionale në mënyrë që pacientët nga regjionet tjera të kenë mundësi të njëjtat shërbime t’i marrin afër qytetarëve të tyre në mënyrë që mos të ketë nevojë të bëhen tollovi, që nganjëherë bëhet në QKUK për shkak të mungesës së këtyre shërbimeve”, ka theksuar tutje ai.
Drejtori i Klinikës së Ortopedisë, Xhavit Gashi, ka thënëse zhvendosja e pacientëve do të bëhet nga java e ardhshme.