Organizata për Siguri dhe Bashkëpunim në Evropë (OSBE) ka bërë thirrje për lirimin e menjëhershëm të katër anëtarëve të Misionit të saj Special të Monitorimit (SMM) në Ukrainë, të cilët janë ndaluar në zonat Donetsk dhe Luhansk.
Të hënën, një zëdhënës i OSBE-së i tha CNN-it se “ende po punonin për të siguruar lirimin e stafit të misionit të tyre”.
Më 31 mars, mandati i OSBE-së SMM në Ukrainë skadoi pasi Rusia e cila është një nga 57 shtetet pjesëmarrëse të organizatës bllokoi zgjatjen e tij, por SMM-i ka vazhduar të operojë në një kapacitet administrativ në Ukrainë.
Sekretarja e Përgjithshme e OSBE-së, Helga Maria Schmid, tha se stafi i SMM-së i ishte nënshtruar “kanosjes, ngacmimit dhe retorikës armiqësore publike” në zonat separatiste të mbështetura nga Rusia në Donetsk dhe Luhansk pas rënies së mandatit.