Presidentja e vendit, Vjosa Osmani, është takuar me sekretaren e Përgjithshme të Këshillit të Evropës, Marija Pejčinović Burić.
Osmani ka thënë se anëtarësimi i Kosovës në Këshillin e Evropës është në funksion të një Republike më të fuqizuar.
“Anëtarësimi i Kosovës në Këshillin e Evropës është në funksion të një Republike më të fuqizuar dhe një Evrope më të bashkuar e më demokratike”, ka thënë Osmani.
Në këtë takim, Osmani e njoftoi sekretaren e Përgjithshme të Këshillit të Evropës rreth përkushtimir për demokraci, sundim të ligjit dhe të drejta të njeriut, ashtu siç i ka cilësuar si tri shtyllat themelore mbi të cilat qëndron Këshilli i Evropës.