Osmani bisedon me homologun gjerman, diskuton rëndësinë e anëtarësimit të Kosovës në KiE

Presidentja e Kosovës, Vjosa Osmani ka thënë se me presidentin gjerman kanë diskutuar rreth anëtarësimit të Kosovës në Këshillin e Evropës (KiE) duke theksuar rëndësinë kritike për përfundimin me sukses të këtij procesi

Presidentja e Kosovës, Vjosa Osmani, të martën mbrëma ka zhvilluar një bisedë telefonike me homologun gjerman, Frank-Walter Steinmeier.

Në një postim në rrjetin social “X”, e para e vendit, Osmani ka thënë se me presidentin gjerman kanë diskutuar rreth anëtarësimit të Kosovës në Këshillin e Evropës (KiE), duke theksuar rëndësinë kritike për përfundimin me sukses të këtij procesi.

“Theksova rëndësinë kritike për përfundimin me sukses të këtij procesi, për të siguruar që të gjithë qytetarët tanë të përfitojnë sa më shpejt nga instrumentet e Këshillit” ka shkruar Osmani.

Ajo ka thënë se anëtarësimi i Kosovës në KiE nuk do të ishte vetëm një fitore për të drejtat e njeriut në Kosovë, por edhe fitore për kontinentin.

“Anëtarësimi ynë nuk do të ishte vetëm një fitore për të drejtat e njeriut në Kosovë, por edhe një fitore për kontinentin tonë dhe vlerat mbi të cilat ai qëndron fuqishëm”, ka vijuar Osmani.

Kosova ende nuk është futur në agjendën e mbledhjes së Këshillit Ministror të KiE-së, ndonëse më 16 prill, Asambleja Parlamentare e Këshillit të Evropës e ka mbështetur raportin që rekomandon anëtarësimin e Kosovës në këtë organizatë me seli në Strasburg.

 

Shija e redaktorit

Aksioni i Policisë në veri, konfiskohen rreth 74 milionë dinarë

Policia e Kosovës ka shpalosur detaje shtesë lidhur me aksionin e zhvilluar gjatë ditës së sotme në veri të vendit. Sipas njoftimit të Policisë së...

Melinda Ademi publikon projektin e ri “Kiss me”

Këngëtarja e njohur, Melinda Ademi, ka publikuar projektin e saj më të ri me titullin “Kiss Me”. Kënga e publikuar është me melodi dhe tekst...

Dafina dhe Ylli vazhdojnë t’i “trazojnë ujërat”, pozojnë me...

Këngëtarja e njohur, Dafina Zeqiri, sot ka kapur vëmendjen e të gjithëve me postimin e saj të fundit në rrjetin social "Instagram". "Duar të bashkuara"...

Të fundit nga rubrika