Ish-ministri i Punëve të Jashtme i Maqedonisë së Veriut, Bujar Osmani, ka reaguar ndaj deklaratës së ministres serbe, duke e cilësuar atë si një nga deklaratat më të rënda të një zyrtari shtetëror në vitet e fundit.
Në një postim në Facebook, Osmani tha se deklarata është “glorifikim i një politike gjenocidale” dhe shprehje pendese që spastrimi etnik i Kosovës nuk është realizuar deri në fund.
Ai kritikoi gjithashtu ata që, sipas tij, e dënojnë këtë deklaratë, ndërsa bashkëpunojnë me zyrtarë që relativizojnë gjenocidin dhe promovojnë politikat e Millosheviqit.
“Nuk mund ta dënosh Millosheviqin me një status në Facebook, ndërsa të qeverisësh me ata që relativizojnë gjenocidin”, ka shkruar Osmani.