Presidentja e Kosovës, Vjosa Osmani, ka dekretuar të mërkurën Ahmet Ismailin në postin e guvernatorit të Bankës Qendrore të Kosovës (BQK).

Ky dekretim i Ismailit vjen pas vendimit të Kuvendit të Kosovës, njofton presidenca.

E para e vendit e ka uruar Ismailin për përzgjedhjen nga Kuvendi i Kosovës, duke i dëshiruar suksese në realizmin e detyrave dhe përgjegjësive, “të cilat burojnë nga kjo pozitë e rëndësishme”.

“Kushtetuta, ligjet, integriteti dhe profesionalizmi duhet të jenë udhërrëfyes përgjatë punës në institucionet shtetërore”, ka thënë Osmani.

Ndërkaq, Ismaili ka prezantuar “vizionin e tij për BQK-në, si dhe nxitjen e rritjes së qëndrueshme të bazuar në përkushtimin ndaj shërbimit publik, efikas dhe transparent”.