Osmani dhe Kurti udhëtojnë drejt SHBA-së

Presidentja e Kosovës, Vjosa Osmani dhe kryeministri Albin Kurti, janë nisur drejt SHBA-së për të marrë pjesë në ceremoninë mortore të ish-sekretares amerikane të Shtetit, Madeleine Albright

Presidentja e Kosovës, Vjosa Osmani dhe kryeministri Albin Kurti

Presidentja e Kosovës, Vjosa Osmani dhe kryeministri Albin Kurti, të martën e 26 prillit do të udhëtojnë drejt Shteteve të Bashkuara të Amerikës.

Ata do të marrin pjesë në ceremoninë mortore të ish-sekretares amerikane të Shtetit, Madeleine Albright.

Përveç që ishte bërë e ditur nga presidenca dhe zyra e kryeministrit, një gjë e tillë u konfirmua edhe të hënën e 25 prillit nga ndihmës Sekretarja e Shteteve të Bashkuara të Amerikës, Karen Donfried.

Ajo në një konferencë të përbashkët për media ka theksuar se përkushtimi për të ardhmen e Kosovës mbetet prioritet për SHBA-të.

“Nesër në mengjes Osmani do të udhëtojë së bashku më kryeministrin Kurti në varrimin e ish-sekretares Albright”, kishte thënë ajo.

Ndihmës Sekretarja e Shteteve të Bashkuara të Ameriksë, Karen Donfried

Osmani ishte shprehur e tronditur nga humbja e mikes së madhe të Kosovës, Madeleine Albright.

Sipas Osmanit, modeli i saj “i një heroine të pamposhtur, guximtare e të vendosur për të mbjellur vlerat demokratike në çdo vend, do të mbetet përherë modeli që do e ndjekim ne që patëm fatin ta njohim si dhe shumë breza pas nesh”.

Për vdekjen e Albright, kishte shkruar edhe kryeministri Kurti.

“Një grua e shquar me moral të pakompromis për Shtetet e Bashkuara, një mike e Kosovës deri në fund dhe një partnere me të gjithë ata që ndoqën paqen, lirinë dhe demokracinë”, tha Kurti.

Ish-sekretarja e Amerikës, Madeleine Albright.

Ndryshe, më 23 mars të vitit 2022, Madeleine Albright, gruaja e parë sekretare e shtetit të SHBA-ve kishte vdekur në moshën 84 vjeçare.

Vdekja e saj ishte konfirmuar përmes një deklarate zyrtare nga familjarët e Albright ku mes tjerash thuhet se shkaku i vdekjes ishte kanceri.

Ajo ishte një figurë e rëndësishme në administratën e ish-presidentit Bill Clinton.

Albright, kishte nxitur që NATO të ndërhynte në Kosovë për të ndaluar gjenocidin dhe spastrimin etnik, e shkaktuar nga regjimi i ish-presidentit të Serbisë, Sllobodan Millosheviqit.

Ish-sekretarja e Amerikës, Madeleine Albright.

Për kontributin e saj për pavarësinë e Kosovës, më 2019, u zbulua në Prishtinë edhe busti për nder të saj.

Shija e redaktorit

Spanja kampione e Evropës për herë të katërt

Ka mbaruar super ndeshja mes Spanjës dhe Anglisë në kuadër të finales së Kampionatit Evropian 2024. Pas një loje fantastike, Spanja ka përmbyllur ndeshjen me...

Spanja në finale, mposht Francën

Kombëtarja e Spanjës ka arritur kualifikimin në finale të Euro 2024, pasi mposhti me rezultat 2:1 kombëtaren e Francës në gjysmëfinale. Në pjesën e dytë...

Ballkani triumfon në ndeshjen e parë kualifikuese në Ligën e...

Ballkani ka fituar 2-1 ndaj Santa Coloman në 1/8 e fazës kualifikuese në Ligën e Kampionëve. Ndeshja nisi me një ritëm të qetë, por që...

Të fundit nga rubrika