Osmani: Drenasi, simbol i qëndresës dhe heroizmit

Presidentja e Kosovës, Vjosa Osmani.

Presidentja e Kosovës, Vjosa Osmani, vizitoi të premten komunën e Drenasit, ku fillimisht është takuar me kryetarin Ramiz Lladrovci.

Ajo në konferencë për media, ka theksuar se Drenasi është simbol i qëndresës dhe heroizmit, dhe se kjo komunë ka një vend të veçantë në zemrën e saj, pasi një pjesë të fëmijërisë e ka kaluar atje.

“Drenasi është simbol i qëndresës e heroizmit. Trimëria e heronjve të UÇK-së dhe atyre që paguan çmimin për liri nuk do harrohen asnjëherë… Drenasi është një nga komunat më shembullore në nivel të Republikës sonë, me mbi 50 për qind të ekzekutivit gra, një shembull që duhet të ndiqet”, ka dekalruar Osmani.

Ajo ka potencuar rëndësinë e vazhdimit të përpjekjeve për barazi ekonomike dhe arsimore, dhe ka premtuar mbështetje të vazhdueshme nga presidenca për komunat dhe zhvillimin e sektorit privat.

“Komunat e zhvilluara fuqizojnë shtetin tonë. Si presidente, vazhdoj të jem aleate e komunave. Iu përgëzoj për angazhimin tuaj dhe presidenca e Republikës së Kosovës do të jetë gjithmonë bashkë,” ka thënë Osmani.

Kryetari i Komunës së Drenasit, Ramiz Lladrovci, ka thënë se kjo komunë ka përfaqësim më të madh të grave të angazhuara nëpër institucione.

Lladrovci ka theksuar se ka ende punë për të bërë gjatë qeverisjes së tij.

Shija e redaktorit

Spanja kampione e Evropës për herë të katërt

Ka mbaruar super ndeshja mes Spanjës dhe Anglisë në kuadër të finales së Kampionatit Evropian 2024. Pas një loje fantastike, Spanja ka përmbyllur ndeshjen me...

Spanja në finale, mposht Francën

Kombëtarja e Spanjës ka arritur kualifikimin në finale të Euro 2024, pasi mposhti me rezultat 2:1 kombëtaren e Francës në gjysmëfinale. Në pjesën e dytë...

Ballkani triumfon në ndeshjen e parë kualifikuese në Ligën e...

Ballkani ka fituar 2-1 ndaj Santa Coloman në 1/8 e fazës kualifikuese në Ligën e Kampionëve. Ndeshja nisi me një ritëm të qetë, por që...

Të fundit nga rubrika