Presidentja Vjosa Osmani e ka uruar Distria Krasniqin për kualifikimin e saj në çerekfinalen e Lojërave Olimpike “Parisi 2024”.

Osmani përmes një postimi në rrjetin social “Facebook” ka shkruar se “Ippon në 30 sekonda!  E arta jonë Distria, bravo! Vazhdojmë përpara”.

Vetëm 37 sekonda i mjaftuan Distria Krasniqit, për t’u kualifikuar më tej në Lojërat Olimpike “Parisi 2024”.

Ajo e vendosi në kokërr të shpinës kundërshtaren e saj nga Indonezia, Maryam March Maharani.

Edhe kryeministri i vendit, Albin Kurti ka shkruar për fitoren e Distria Krasniqit, madje Kurti u shpreh i “habit” se si xhudistja kosovare ka arritur suksesin e saj për vetëm 39 sekonda.

Kurti: Distria Krasniqi, Republika e Kosovës

“Disa ndeshje të xhudos në Paris po zgjasin më shkurt se katër minuta. Ndonjëra rrallë rreth një minut. Njëra prej tyre as një minut, vetëm 39 sekonda! Si është e mundur? Distria Krasniqi, Republika e Kosovës”, shkroi Kurti.

Xhudistja e njohur kosovare, Distria Krasniqi ka kaluar në çerekfinale.

Distria Krasniqi kalon në çerekfinale në Lojërat Olimpike “Parisi 2024”