Osmani e falënderon Clintonin: Ju mundësuat që zëri i Kosovës të jehojë nëpër botë

Presidentja e vendit, Vjosa Osmani e ka falënderuar ish-sekretaren Amerikane të Shtetit, Hillary Clinton, presidentin Clinton dhe popullin amerikan që ndihmuan që shembulli e zëri i Kosovës të jehojnë anekënd botës

Presidentja e Kosovës, Vjosa Osmani në margjinat e “Clinton Global Initiative” si e ftuar speciale e ish-Sekretares amerikane të Shtetit, Hillary Clinton e ka falënderuar atë për mbështetjen ndaj Kosovës.

Në një bashkëbisedim me Clinton, e para e vendit ka thënë se ka falënderuar atë, presidentin Clinton dhe popullin amerikan që ndihmuan që shembulli e zëri i Kosovës të jehojnë anekënd botës.

Osmani në këtë ngjarje ku është folur për rolin e grave në fuqizimin e ekonomive, ka thënë se për ekonomi dhe gra të fuqizuara, parakusht janë liria, paqja dhe demokracia.

“Për ekonomi të zhvilluara dhe gra të fuqizuara, parakusht janë liria, paqja dhe demokracia. Në një bashkëbisedim me Sekretaren Clinton sot, e falënderova atë personalisht, Presidentin Clinton dhe të gjithë popullin amerikan që na ndihmuan që sot t’i gëzojmë këto të drejta dhe po vazhdojnë të na ndihmojnë që shembulli e zëri i Kosovës të jehojnë anekënd botës”, ka shkruar Osmani në Facebook.

Ndryshe, dje Presidentja e Kosovës, Vjosa Osmani, ka udhëtuar për në Bullgari për të marrë pjesë në ngjarjen e “Clinton Global Initiative”, si e ftuar speciale e ish-Sekretares amerikane të Shtetit, Hillary Clinton.

Presidenca e Kosovës ka bërë të ditur se presidentja Osmani do të ketë takim me ish-Sekretaren e Shtetit, dhe do të flasin për rolin e grave në fuqizimin e ekonomive.

Clinton Global Initiative është themeluar në vitin 2005 nga ish-presidenti i ShBA-së, Bill Clinton dhe ka për qëllim bashkimin e forcave të liderëve botërorë për ofrimin e zgjidhjeve konkrete për sfida globale.

Shija e redaktorit

Nga sot shqiptarët udhëtojnë pa viza drejt Azerbajxhanit

Nga dita e sotme qytetarët e Shqipërisë me pasaporta të rregullta mund të udhëtojnë pa viza drejt Azerbajxhanit. Ambasadori i Azerbajxhanit në Shqipëri, Anar Huseynov...

Tre oficerë të FSK-së diplomojnë në Kolegjin CGSC të ushtrisë...

Oficerët e Forcës së Sigurisë së Kosovës(FSK), majorët Alban Bunjaku, Agron Murati dhe Alban Bujupi, pas studimeve njëvjeçare, diplomuan me sukses të lartë në...

Peja dhe Ulqini nënshkruajnë marrëveshjen e binjakëzimit si qytete

Kryetari i Pejës, Gazmend Muhaxheri ka pasur një mysafir të veçantë në zyrën e tij të shtunën. Ai priti me nderime kryetarin e Ulqinit, Genc...

Të fundit nga rubrika