Osmani: Gratë mund të jenë të suksesshme në udhëheqje të shtetit

E para e vendit ka deklaruar se sfidat e grave janë të mëdha dhe komplekse, porse duhet angazhuar në ndërtimin e një shoqërie e cila vlerëson dhe e shfrytëzon plotësisht kontributin e secilit individ, përfshirë gratë

Presidentja e Kosovës, Vjosa Osmani ka thënë se kudo që ka udhëheqje gjithëpërfshirëse, aty ka përparim, mirëqenie dhe demokracia lulëzon në mënyrën më të mirë.

Osmani në ditën e dytë të konferencës “Java e Gruas 2024” ka theksuar se dita ditës po kuptohet se mund të ketë sukses të grantuar qoftë në udhëheqjen e shtetit, të një kompanie apo në organizmin në komunitet, atëherë kur vajzat dhe gratë janë prezente, përfshihen, kanë rol aktiv, u dëgjohet zëri dhe marrin vendime në një platformë të barabartë.

E para e vendit ka deklaruar se sfidat e grave janë të mëdha dhe komplekse, porse duhet angazhuar në ndërtimin e një shoqërie e cila vlerëson dhe e shfrytëzon plotësisht kontributin e secilit individ, përfshirë gratë.

Osmani ka thënë se me përjashtimin e grave dhe vajzave nga vendimmarrja dhe gjithëpërfshirja, komunitete të tëra dështojnë.

“Të gjithë e dimë se sfidat para nesh janë të mëdha dhe komplekse … Përballja me sfidat e shekullit 21 kërkon një ndryshim të botëkuptimit se si i organizojmë shoqëritë tona. Nuk mund të vazhdojmë më të mbështetemi në modelet e vjetra të mendimit dhe veprimit të cilat kanë prodhuar vazhdimisht pabarazi. Në vend të kësaj, duhet të angazhohemi për ndërtimin e një shoqërie e cila vlerëson dhe e cila shfrytëzon plotësisht kontributin e secilit individ. Kjo është e pamundur, pa përfshirë në tërësi kontributin e vajzave dhe grave”, tha Osmani.

Ndërkaq, zëvendësudhëheqësja e Misionit dhe Konsulle në Ambasadën e Kanadasë në Kroaci dhe Kosovë, Nathalie Niedoba, ka deklaruar se me largimin e diskriminimit, gratë mund të kenë qasje, të jenë të gjithmbarshme dhe pozitive në familjet e tyre.

“Kur kemi diskutime në baza sociale, nëse i largojmë ato diskriminime gratë kanë qasje në kapital dhe mund të hyjnë të gjithmbarshme, pozitive në familjet e tyre. Kur gratë kanë të drejta reproduktive, të shëndetit reproduktiv familjet lulëzojë. Barazia gjinore është një prioritet për qeverinë e Kanadasë dhe është e theksuar në planin e veprimit të Kanadasë për gratë, paqen dhe sigurinë, përfshirjen e tyre në poltikat e jashtme dhe asistencat ndërkombëtare”, ka deklaruar Niedoba.

Drejtoresha e programit në Institutin Demokratik Kombëtar, Pranvera Lipovica, ka theksuar se përfshirja e grave dhe komuniteteve të nënpërfaqesuara në proceset vendimmarrëse rrit legjitimitetin dhe besueshmërinë e institucioneve publike.

Lipovica tha se “Java e Gruas” mbetet një platformë e veçantë me shumë rëndësi për dialog me temat që prioritet kanë individët dhe grupet e ndryshme të shoqërisë të cilën e kanë parë të konceptohet, zhvillohet dhe marrë formën që ka sot, përgjatë këtyre 12 vjetëve. / KP

Shija e redaktorit

Shefja e katalunasve në Parlamentin e Spanjës: S’do të ndalemi...

Partia katalunase “Junts per Catalunya” kanë marrë një iniciativë në Parlamentin e Spanjës për t’i kërkuar Qeverisë së Spanjës njohjen e pavarësisë së Kosovës...

Mark Rutte do të jetë në krye të NATO-s

Mark Rutte do të jetë sekretari i ardhshëm i Përgjithshëm i NATO-s, pasi të 32 anëtarët e aleancës ranë dakord që kryeministri holandez në...

Nëna e Leotrimit: Djali im paska qenë i krejt Kosovës

Gjatë së martës, më 18 qershor, që shënonin 25-vjetorin e Ditës së Çlirimit të Skenderajt, është përuruar shtatorja Leotrim Ahmetit, 7-vjeçarit të vrarë gjatë...

Të fundit nga rubrika