Kryeministri i Kosovës, Albin Kurti, ka komentuar shqetësimet lidhur me cenimin e përdorimit të gjuhës shqipe dhe mundësinë e shfuqizimit të disa neneve të Ligjit për përdorimin e gjuhëve në Maqedoninë e Veriut. Në një konferencë të përbashkët për media me kryeministrin maqedonas, Hristijan Mickoski, Kurti ka theksuar se në këtë shtet nuk ekziston një ligj të veçantë për gjuhën shqipe.
E për këtë deklarim të Kurtit, ka reaguar nënkryetari i BDI-së, Bujar Osmani i cili ka thënë se në Maqedoninë e Veriut ka qenë dhe ekziston ligji për gjuhën shqipe si zyrtare në nivel vendi.
Osmani në “Five” të Dukagjinit u shpreh se deklarimet e Kurtit të bëra për gjuhët zyrtare në Maqedoninë e Veriut gjatë së hënës në konferencën për media janë “skandaloze” dhe “shumë të dëmshme”, e sidomos “inkurajuese për gjithë ata që duan të çmontojnë Marrëveshjen e Ohrit”.
“Deklarata e Kurtit për gjuhët ishte skandaloze, shumë e dëmshme dhe inkurajuese për gjithë ata që duan të çmontojnë Marrëveshjen e Ohrit veçanërisht pika e saj, Gjuha Shqipe. Kjo e fundit është një prej çështjeve të rregulluar me ndryshimin e kushtetutes pas Marrëveshjes së Ohrit në vitin 2001. 15 vite nuk kemi arritur të gjejmë një kompromis të saktë për interpretimin e saktë të saj në Marrëveshjen e Ohrit. E pala maqedonase konsideronte se marrëveshja e Ohrit e parasheh gjuhën shqipe vetëm në komunat ku shqiptarët janê mbi 20%. Ndërsa pala jonë, Gjuha Shqipe në të gjitha nivelet e shtetit e barabartë me gjuhën maqedonase. Pas 15 vite kemi arritur këtë. Ka pasur, ekziston ligji për gjuhën shqipe. Ligji për përdorimin e gjuhëve, në nenin 1 thotë se gjuhë zyrtare e vendit është gjuha maqedone dhe alfabeti I saj cirilik. Poashtu edhe gjuha që e flasin mbi20% [gjuha shqipe] është gjuhë zyrtare””, vijoi Osmani.
Osmani poashtu ka kritikuar mbledhjen e dy qeverive, duke thënë se në këtë takim nuk janë dëgjuar porosi për “mosdegradimin e pozitës së shqiptarëve” në Maqedoninë e Veriut.
“Praktikë e filluar më herët. Që nga viti 2019 kemi filluar me përgatitjen e mbledhjeve të qeverisë të përbashkët. Mbledhja e parë është mbajtur në Shkup. Vazhdimësi e mbledhjeve të qeverive. Fatkeqësisht është kjo mbledhje po legjitimon një politikë antishqiptare që po mbizotëron në Maqedoninë e Veriut, në katër muajt e fundit. Që ka për qëllim çmontimin e Marrëveshjes së Ohrit dhe arritjet e shqiptarëve këto 20 vite të fundit. Mendova që kjo mbledhje e përbashkët do shfrytëzohet për ti dhënë mesazh qeverisë së Maqedonisë së Veriut, që edhe Kosova është e interesuar për mosdegradohet pozita e shqiptarëve në RMV sepse funksionaliteti i demokracisë multietnike është bazë për Maqedoninë stabile dhe prosperuese. KԹto porosi nuk I dëgjuam dhe nuk ishte porosi e mireë, ka vijuar Osmani.