Osmani: Kosova e Finlanda janë partnere të palëkundura
Presidentja e Kosovës, Vjosa Osmani, ka theksuar se Kosova dhe Finlanda janë partnere të palëkundura, pasi ka njoftuar se ka takuar ministren e Jashtme të këtij shteti, Elina Valtonen. Në një postim në Facebook, Osmani e ka falënderuar zyrtaren finlandeze për mbështetjen në çdo etapë. “Në mbrojtjen e vlerave evropiane, Kosova dhe Finlanda janë partnere […]
Presidentja e Kosovës, Vjosa Osmani, ka theksuar se Kosova dhe Finlanda janë partnere të palëkundura, pasi ka njoftuar se ka takuar ministren e Jashtme të këtij shteti, Elina Valtonen.
Në një postim në Facebook, Osmani e ka falënderuar zyrtaren finlandeze për mbështetjen në çdo etapë.
“Në mbrojtjen e vlerave evropiane, Kosova dhe Finlanda janë partnere të palëkundura! Në takim me ministren e Jashtme të Finlandës, Elina Valtonen, e falënderova për mbështetjen e shtetit të saj për Kosovën në çdo etapë, përfshirë procesin e shtetformimit, shtetndërtimit dhe anëtarësimit në organizata ndërkombëtare”, ka thënë Osmani të enjten.
Presidentja Osmani ka shtuar se do të vazhdojë angazhimin për forcimin e raporteve mes shteteve.















