Presidentja e vendit, Vjosa Osmani ka shkruar për prezencën e saj në Samitin për IA në Paris të Francës.
Osmani përmes një postimi në rrjetin social “Facebook” ka shkruar se Kosova aktualisht gjendet në hartën globale të diskutimeve për inteligjencën artificiale. Tutje ajo shtoi se revolucioni global tekonologjik e bën të domosdoshme që Kosova të jetë pjesë e këtij transformimi.
“Kosova në hartën globale të diskutimeve për inteligjencën artificiale.
Liderë nga mbarë bota dhe profesionistë të fushës u mblodhën në Paris për të diskutuar zgjidhje që do të transformojnë botën, duke e vënë teknologjinë në shërbim të njerëzimit.
Teknologjia po i prinë një revolucioni të paparë global dhe Kosova duhet të jetë e gatshme të jetë pjesë e këtij transformimi!”, ka shkruar Osmani.