Presidentja e Republikës së Kosovës, Vjosa Osmani, ka thënë se liria e medias është një shtyllë e një demokracie të lulëzuar.
Me anë të një postimi në Twitter, Osmani e ka shkruar këtë me rastin e 3 majit, Ditës Botërore të Lirisë së Shtypit.
”Liria e medias nuk është vetëm një shenjë e një shoqërie të shëndetshme, ajo është një shtyllë e një demokracie të lulëzuar“, ka thënë Osmani.
Ajo po ashtu ka deklaruar se Kosova ka arritur përmirësim në këtë sferë.
”Sot, në Ditën Botërore të Lirisë së Shtypit, ne festojmë sukseset e vazhdueshme të Kosovës në indekset ndërkombëtare, por gjithashtu renovojmë angazhimin tonë për të mbrojtur rolin e paçmuar të medias së lirë dhe të paanshme“, ka thënë ajo.
Media freedom is not just a sign of a healthy society, it is a pillar of a thriving democracy.
Today, on #WorldPressFreedomDay, we celebrate 🇽🇰’s continued successes in int’l indices, but we also renew our commitment to defend the invaluable role of free and unbiased media.
— Vjosa Osmani (@VjosaOsmaniPRKS) May 3, 2023