Presidentja e Kosovës, Vjosa Osmani, ka marrë pjesë në Samitin e Paqes për Ukrainën, i cili u organizua në Zvicër, për të mbështetur përpjekjet e presidentit ukrainas për paqe.

Në një video përmbledhëse nga samiti, Osmani ka theksuar se përgjatë samitit ka ndarë rrëfimin e popullit të Kosovës dhe angazhimin e vendit të saj për paqe në Ukrainë dhe në botë.

“Në Samitin e Paqes për Ukrainën, për t’i treguar botës rrëfimin e popullit të Kosovës, por edhe përkushtimin e çdoditëshëm të vendit tonë për paqe të drejtë e të qëndrueshme në Ukrainë e kudo në botë”, ka shkruar Osmani në platformën X.

At the  UAPeaceSummit, showcasing the story of the people of Kosovo and our country’s unwavering commitment to lasting and just peace in Ukraine and anywhere else in the world! #PathToPeace pic.twitter.com/EuOL5AHtOC

— Vjosa Osmani (@VjosaOsmaniPRKS) June 18, 2024

Samiti i mbajtur më 15-16 qershor ishte përpjekja më e fundit e presidentit të Ukrainës, Volodymyr Zelensky, për të marrë mbështetje nga liderët globalë, për të ndihmuar në përfundimin e konfliktit në Ukrainë, e cila është një nga konfliktet më të mëdha në Evropë që nga Lufta e Dytë Botërore.

Zvicra u angazhua si vendi nikoqir për të ndihmuar në hapjen e rrugës për një proces paqeje në të ardhmen, i cili do të përfshinte edhe Rusinë.

Megjithatë, presidenti Zelensky nuk dëshironte që Rusia të ftohej në këtë samit në kohën aktuale.