Osmani pas marrëveshjes: Do të vazhdojmë pandalshëm drejt njohjes reciproke

Presidentja e Kosovës, Vjosa Osmani, ka reaguar pas arritjes së marrëveshjes për dokumente në mes Kosovës dhe Serbisë, duke falënderuar për këtë SHBA-në dhe BE-në

Presidentja e Kosovës, Vjosa Osmani

Presidentja e Kosovës, Vjosa Osmani pas marrëveshjes së arritur mes Kosovës dhe Serbisë, ka deklaruar se nga tani do të vazhdojnë “pandalshëm” drejt njohjes reciproke, mes Kosovës dhe Serbisë.

Gjithashtu, ajo ka falënderuar Shtetet Bashkuara të Amerikës (ShBA), që sipas saj kanë një rol mbështetës.

“Falënderime Shteteve të Bashkuara të Amerikës dhe Bashkimit Evropian  për rolin e tyre mbështetës. Do të vazhdojmë pandalshëm angazhimin drejt njohjes reciproke”, është shprehur Osmani.

Vjosa është shprehur se lëvizja e lirë është themeli i shoqërisë demokratike dhe i vlerave evropiane.

Po ashtu, sipas saj Kosova çdo ditë e më shumë po kontribuon në paqe dhe stabilitet.

“Liria e lëvizjes është themeli i shoqërive demokratike e i vlerave evropiane. Republika e Kosovës çdo ditë e më shumë po kontribuon në paqe dhe stabilitet”, ka shkruar ajo në rrjetin social Facebook.

Josep Borell, Përfaqësuesi i Lartë i Bashkimit Evropian

Të shtunën, Përfaqësuesi i Lartë i Bashkimit Evropian për Politikë të Jashtme dhe Siguri, Josep Borrell, ka deklaruar se është arritur një marrëveshje në mes Kosovës dhe Serbisë, pasi kjo e fundit ka rënë dakord të shfuqizojë dokumentet e hyrjes dhe daljes, për mbajtësit e letërnjoftimeve serbe.

“Sipas Dialogut të lehtësuar nga BE-ja, Serbia ra dakord të shfuqizojë dokumentet e hyrjes/daljes për mbajtësit e letërnjoftimeve të Kosovës dhe Kosova u pajtua që të mos i prezantojë ato për mbajtësit e letërnjoftimeve serbe”, ka shkruar Borrell.

Po ashtu, ai ka thënë se serbët në Kosovë tani si të gjithë qytetarët e tjerë do të udhëtojnë lirshëm ndërmjet dy shteteve, duke përdorur letërnjotimet e tyre.

Ndërsa, Borrell ka treguar se vendimin për këtë zbatim të marrëveshjes BE-ja e ka marrë edhe nga kryeministri i Kosovës, Albin Kurti.

Ndërkaq, Përfaqësuesi i Posaçëm i Bashkimit Evropian për dialogun Kosovë-Serbi dhe çështje të tjera rajonale të Ballkanit Perëndimor, Miroslav Lajçak ka falënderuar emisarin e SHBA-së për Ballkanin Perëndimor, Gabriel Escobar, për arritjen e marrëveshjes ndërmjet Kosovës e Serbisë, për dokumentet.

Borrell: Kemi marrëveshje, Serbia ka vendosur t’i pranojë dokumentet e Kosovës

Shija e redaktorit

Spanja kampione e Evropës për herë të katërt

Ka mbaruar super ndeshja mes Spanjës dhe Anglisë në kuadër të finales së Kampionatit Evropian 2024. Pas një loje fantastike, Spanja ka përmbyllur ndeshjen me...

Spanja në finale, mposht Francën

Kombëtarja e Spanjës ka arritur kualifikimin në finale të Euro 2024, pasi mposhti me rezultat 2:1 kombëtaren e Francës në gjysmëfinale. Në pjesën e dytë...

Ballkani triumfon në ndeshjen e parë kualifikuese në Ligën e...

Ballkani ka fituar 2-1 ndaj Santa Coloman në 1/8 e fazës kualifikuese në Ligën e Kampionëve. Ndeshja nisi me një ritëm të qetë, por që...

Të fundit nga rubrika