Presidentja e Kosovës, Vjosa Osmani, ka deklaruar se pas zgjedhjeve në Bashkimin Evropian (BE), me shumë gjasa do të ketë edhe ndërmjetësues të ri për dialogun në mes të Kosovës dhe Serbisë.
Ajo ka deklaruar se vetë emisari Lajçak i ka thënë se mandatin e ka përafërsisht deri në muajin gusht.
“Në procesin e dialogut janë disa muaj vendimtarë, sepse në maj janë zgjedhjet në BE, pas zgjedhjeve në BE do të kemi komisionerë të rinj, zyrtarë të rinj, që do ta marrin përsipër procesin e dialogut. Sipas të gjitha gjasave, edhe ndërmjetësues të ri nga ajo që më është thënë nga Lajçak, i cili e ka mandatin deri diku në gusht”, ka thënë Osmani.