Osmani për bustin e Nënë Terezës në Ambasadën e Kosovës në Shkup: Është simbol kujtese dhe vlerave që ajo mbrojti

Sot u përjetësua figura e Nënë Terezës në ambientet e Ambasadës së Republikës së Kosovës në Shkup, në vendin e saj të lindjes

Të hënën e 11 shtatorit është përuruar busti i Nënës Terezë në Ambasadën e Kosovës në Shkup.

Gjatë përurimit të pranishëm ishin presidentja e Kosovës, Vjosa Osmani dhe homologët e saj nga Shqipëria, Bajram Begaj dhe nga Maqedonia e Veriut, Stevo Pendarovski.

Në fjalën e saj, presidentja Osmani ka thënë se ky bust, është simbol kujtese jo vetëm i jetës së Nënë Terezës, por edhe i vlerave që ajo mbrojti – mirësisë, përulësisë dhe dashurisë për njerëzit.

“Nëna jonë Terezë nuk është vetëm bust i skalitur në mermer, por është në jetën e transformuar të miliona njerëzve dhe në dashurinë e pakufishme që dhuroi. Ambasada e Republikës së Kosovës , prej sot është e bekuar me prezencën e përhershme të Nënës Terezë! Shpirti i saj e ka gjetur paqen e përjetshme, ndërkaq trashëgimia e saj do të vazhdojë të na udhëheqë në rrugëtimin tonë drejt një bote më të dhembshur, më humane e më të mirë”, ka thënë Osmani.

Sipas Osmanit, në jetën e saj të bujshme, Nëna Terezë bashkoi njerëzit, popujt dhe kulturat.

“Me veprën e saj jetësore, ajo u bë shpresa për të varfrit, frymëzim për njerëzimin dhe udhërrëfyese e përbotshme. Dashuria dhe ndjeshmëria ndaj njerëzve dhe njerëzimit është ana e fortë e karakterit dhe moralit të nënës sonë të madhe, ndaj në asnjë ditë të vetme të jetës së saj nuk reshti duke bërë vepra humane mbi bazën e dashurisë dhe dhembshurisë ndaj te tjerëve. Këtë e dëshmojnë edhe faktet historike, jeta dhe vepra e saj”.

Shija e redaktorit

Spanja kampione e Evropës për herë të katërt

Ka mbaruar super ndeshja mes Spanjës dhe Anglisë në kuadër të finales së Kampionatit Evropian 2024. Pas një loje fantastike, Spanja ka përmbyllur ndeshjen me...

Spanja në finale, mposht Francën

Kombëtarja e Spanjës ka arritur kualifikimin në finale të Euro 2024, pasi mposhti me rezultat 2:1 kombëtaren e Francës në gjysmëfinale. Në pjesën e dytë...

Ballkani triumfon në ndeshjen e parë kualifikuese në Ligën e...

Ballkani ka fituar 2-1 ndaj Santa Coloman në 1/8 e fazës kualifikuese në Ligën e Kampionëve. Ndeshja nisi me një ritëm të qetë, por që...

Të fundit nga rubrika